تورکیه تشقی ایشلر وزیری مولود چاووش اوغلی تاجیکستان گه تشریف بویوردی

چاووش اوغلی اوشبو توغریده تویتر آرقه لی بیانات بیردی

1610019
تورکیه تشقی ایشلر وزیری مولود چاووش اوغلی تاجیکستان گه تشریف بویوردی

تورکیه جمهوریتی تشقی ایش لر وزیری مولود چاووش اوغلی, تاجیکستان و افغانستان نینگ تینگ ریاستیده بولیب اوته دیگن آسیا نینگ قلبی- استانبول پروسه سی 9- وزیرلر کنفرانسی گه اشتراک ایتیش اوچون تاجیکستان گه تشریف بویوردی. 

چاووش اوغلی, تویتر آرقه لی بیرگن بیاناتیده, "ایککی تامانلمه مناسبت لر توغریسیده بحث ایتیش و آسیا نینگ قلبی- استانبول پروسه سی 9- وزیرلر کنفرانسی اوچون دوست و قرداش تاجیکستانده میز" دییه قید ایتدی. 

تورکیه جمهوریتی تشقی ایشلر وزیرلیگی تامانیدن بیریلگن یازمه بیاناتده, ایککی کون دوام ایته دیگن اوشبو سفر دایره سیده چاووش اوغلی نینگ تاجیک لیک کسبداشی سراج الدین مهرالدین بیلن اوچره شه دیگن لیگی بیلدیریلدی. 

بیاناتده, عینی دمده چاووش اوغلی نینگ تاجیکستان جمهوررئیسی امام علی رحمان تامانیدن هم قبول قیلینیشی نینگ کوتیلیاتگن لیگی معلوم قیلیندی. 

اوچره شوولرده, ایککی تامانلمه مناسبت لر نینگ برچه تامان لری نینگ بهالنتیریله دیگن لیگی, منطقه و خلق ارا مقیاسده گی موضوع لر توغریسیده فکر المه شیلیشی ریجه لنگن لیگی معلوم قیلینگن بیاناتده, آسیا نینگ قلبی- استانبول پروسه سی 9- وزیرلر کنفرانسی نینگ 30 مارچ کونی بولیب اوته دیگن لیگی بیلدیریلدی. 



علاقه لی ینگی لیکلر