اوزبیکستان تشقی ایش لر وزیری عبدالعزیز کاملوف کابل ده جمهوررئیس محمد اشرف غنی بیلن اوچره شدی
کاملوف, افغانستان تینچلیک کینگشی نینگ باشلیغی عبدالله عبدالله و ملی خوفسیزلیک کینگشی باشلیغی حمدالله محب بیلن هم اوچره شگن
اوزبیکستان تشقی ایش لر وزیری کابل ده جمهوررئیس اشرف غنی بیلن اوچره شدی
اوزبیکستان تشقی ایش لر وزیری عبدالعزیز کاملوف پایتخت کابل ده افغانستان جمهوررئیسی محمد اشرف غنی بیلن اوچره شدی.
اوچره شووده افغانستان بیلن اوزبیکستان اورته سیده گی مناسبت لرنینگ کوچه یتیریلیشی, منطقه مقیاسیده گی همکارلیک و تینچلیک پروسه سی توغریسیده بحث ایتیلدی.
افغانستان جمهوررئیسلیگی تامانیدن بیریلگن بیاناتده, اوچره شووده, سونگگی ایککی ییلده افغانستان بیلن اوزبیکستان اورته سیده امضالنگن اقتصاد و فرهنگ بوییچه کیلیشوو لر نینگ تطبیق ایتیلیشی باره سیده هم سوز یوریتیلگن لیگی بیلدیریلدی.
کاملوف اوشبو اوچره شووده افغانستان ده زورانلیک لرنینگ کمه یتیریلیشی و قالووچی بیر تینچلیک نینگ اورنه تیلیشی اوستیده توخته لیب اوتدی.
عینی دمده کاملوف, اوزبیکستان جمهوررئیسی نینگ "منطقه نینگ وصلی, معما لر و اورتاق فرصت لر" ییغیلیشی گه اشتراک ایتیش اوچون جمهوررئیس غنی گه یوبارگن دعوت نی هم بیردی.
اوشبو ییغیلیش نینگ افغانستان مقام لری, هند و پاکستان باش وزیر لری, امریکا قوشمه ایالتلری, روسیه و اوروپا بیرلیگی نماینده لری نینگ اشتراکی بیلن جون آییده تاشکینت ده بولیب اوتیشی ریجه لنماقده.
عبدالعزیز کاملوف, افغانستان تینچلیک کینگشی نینگ باشلیغی عبدالله عبدالله و ملی خوفسیزلیک کینگشی باشلیغی حمدالله محب بیلن هم اوچره شدی.
علاقه لی ینگی لیکلر
ایرانلیک قوشیقچی ینه اعدام گه محکوم قیلیندی
آلدین اوشبو قوشیقچی نینگ اعدام حکمی قماق جزاسی گه ایلنتیریلگن ایدی