تورکیه – آذربایجان – تورکمنستان تشقی ایشلر وزیرلری جلسه سی بولیب اوته دی
اوشبو جلسه نینگ تورکیه ده بولیب اوتیشیدن خبر بیریلدی
تورکیه، آذربایجان و تورکمنستان تشقی ایشلر وزیرلری 5- جلسه سی تورکیه ده بولیب اوته دی.
تورکیه جمهوریتی تشقی ایشلر وزیرلیگی تامانیدن بیریلگن یازمه بیاناتده، تورکمنستان وزیرلر کینگشی باشلیغی اورینباسری و تشقی ایشلر وزیری رشید مردوف نینگ ایرته گه تورکیه گه سفر قیلیب کیلیشیدن خبر بیریلدی.
بو سفر چاغیده تورکیه بیلن تورکمنستان اورته سیده گی مناسبت و منطقوی موضوعلر بیلن تیگیشلی فکر المه شووی عملگه آشیریلیشی نینگ ریجه لنگن لیگی بیلدیریلدی.
عین دمده مردوف نینگ جمهور باشلیغی رجب طیب ایردوغان تامانیدن هم قبول قیلینیشی نینک کوتیلگن لیگی قید ایتیلدی.
مذکور بیاناتده، آذربایجان تشقی ایشلر وزیری جیخون بیره موف نینگ قتنشیشی بیلن تورکیه – آذربایجان – تورکمنستان تشقی ایشلر وزیرلری 5- جلسه سی نینگ هم بولیب اوته جگی معلوم قیلیندی.
اوچره شوولرده اولکه لر ارا مناسبتلر و منطقوی موضوعلر بیلن تیگیشلی ینگی لیکلر قاله ویرسه اوز ارا همکارلیک نی رواجلنتیریش اوچون آتیله دیگن آدیملر تیلگه آلینه جگی بیلدیریلدی.
