طالبان نماینده لری تهران گه سفر قیلدی

افغانستان حکومتی بیلن تینچلیک مذاکره لری نی دوام ایتتیریاتگن طالبان نینگ نماینده لری ایران نینگ دعوتی گه بناً تهران گه باردی. 

ایران تشقی ایش لر وزیرلیگی نینگ سوزچیسی سعید خطیب زاده, طالبان نینگ سیاسی دفتری نینگ مسئولی ملا عبدالغنی برادر باشچی لیگی ده گی طالبان نماینده لری نینگ, تشقی ایش لر وزیرلیگی نینگ دعوتی گه بناً تهران گه کیلگن لیگی نی بیلدیردی.

سوزچی, طالبان نماینده لری نینگ ایران تشقی ایش لر وزیری محمد جواد ظریف داخل ایران لیک ایریم مسئول لر بیلن اوچره شه دیگن لیگی نی معلوم قیلدی. 

سعید خطیب زاده, "افغانستان ده گی تینچلیک مذاکره لری بوییچه ایریم موضوع لر توغریسیده فکر المه شیله دی" دییه قید ایتدی.