نیویورک تایمز محرری ایران فایده سی گه جاسوس لیک عیبلاوی بیلن حبس گه آلیندی

امریکا قوشمه ایالتلری ده نیویورک تایمز روزنامه سیده مقاله لری باسیلیب چیققن کاوه افراسیابی, ایران فایده سی گه جاسوس لیک عیبلاوی بیلن حبس گه آلیندی. 

امریکا قوشمه ایالتلری عدلیه وزیرلیگی تامانیدن بیریلگن یازمه بیاناتده, اوزی نی تهران عالی بیلیم یورتی نینگ سابق استادی صفتیده تانیتگن کاوه افراسیابی نینگ جاری هفته ده حبس گه آلینگن لیگی بیلدیریلدی. 

افراسیابی نینگ, ایران حکومتی فایده سی گه مخفی جاسوس لیک قیلیش بیلن عیبلنگن لیگی بیلدیریلگن بیاناتده, اوشبو کیشی نینگ بانک حسابی گه 2007- ییل دن بیری ایران نینگ بیرلشگن ملتلر تشکیلاتی دایمی ایلچی سی تامانیدن 265 میلیون دالر پول یوباریلگن لیگی معلوم قیلیندی. 

عدلیه وزیرلیگی تامانیدن معلوم قیلینگن دعوی متنی ده, افراسیابی نینگ 1957- ییلده ایران ده توغیلگن لیگی و 1973- ییلده ایسه امریکا قوشمه ایالتلری گه کیلگن لیگی بیلدیریلدی.