ایران ده مخالف ژورنالیست اعدام ایتیلدی

ایران ده رژیم گه مخالف آمدنیوز خبر سایتی نینگ ادیتوری روح الله زم اعدام ایتیلدی. 

ایرنا خبر آژانسی بیرگن خبری ده, زم نینگ, انقلاب محکمه سی تامانیدن بیریلگن اعدام جزاسی نینگ عالی محکمه تامانیدن تائید ایتیلیشی آرتیدن بوگون ایرته لب اعدام ایتیلگن لیگی نی معلوم قیلدی. 

آمدنیوز, 2015- ییلده اجتماعی ترماق دن عبارت تلگرام آرقه لی فعالیت گه باشله دی. 

تیزیم گه مخالف خبر لری بیلن تن آلینگن و قیسقه بیر مدت مابینیده 1 میلیون دن آرتیق کیشی تامانیدن تعقیب ایتیله باشلنگن اوشبو حساب, 2 ییل گه یقین بیر مدت کیین پاپیلدی. 

روح الله زم نینگ ادیتوری بولگن اوشبو خبر سایتی, کیین اوز نشراتی فعالیت لری نی صدای مردم (خلق نینگ سیسی) اسمی بیلن دوام ایتتیردی. 

زم نینگ, "انقلاب گه قرشی فعالیت لر آلیب باریش" عیبلاوی بیلن میلادی 2019- ییل اوکتوبر آیی ده اوشله نیب ایران گه کیتیریلگن لیگی بیلدیریلگن ایدی. 

انقلاب محکمه سی, جون آیی ده, "ییر کره سیده فساد گه سبب بولگن لیگی" عیبلاوی بیلن زم نی اعدام گه محکوم ایتگن ایدی.