جواد ظریف فلسطین دولت باشلیغی محمود عباس و بیر قطار تشقی ایشلر وزیرلری بیلن صحبت قیلدی

ایران تشقی ایشلر وزیری محمد جواد ظریف بیلن فلسطین دولت باشلیغی محمود عباس، امریکا قوشمه ایالتلری نینگ اوزیچه تینچلیک پلانی بوییچه اوچره شدیلر.

ایران حکومتی نینگ انترنیت ساتیدن بیریلگن بیاناتگه کوره، ظریف بیلن عباس اورته سیده تیلفون آرقه لی بیر اوچره شوو بولیب اوتگن.  

بو اوچره شووده امریکا قوشمه ایالتلری دولت باشلیغی دانلد ترامپ تامانیدن اوتگن هفته مطرح قیلینگن اوزیچه اورته شرق تینچلیک پلانی قولگه آلینگن.

بو پلاننی قبول قیلمه ی رد ایتگن لیکلرینی تاکییدله گن ظریف بیلن عباس، اسلام دنیاسی نینگ فلسطین نینگ برچه حقلرینی قوللب – قوتلش اوچون بیرلیک و همکارلیک ایچیده بولیب حرکت ایتیشی کیره ک لیگینی اورغوله دیلر.

باشقه تاماندن ایران تشقی ایشلر وزیری ظریف، چین تشقی ایشلر وزیری وانگ یی، پاکستان تشقی ایشلر وزیری شاه محمود قریشی و الجزایر تشقی ایشلر وزیری صبری بوقادوم بیلن علیحده – علیحده تیلفون آرقه لی صحبت قیلگن لیگی بیلدیریلدی.

بو اوچره شوولرده کون ترتیبی بیلن تیگیشلی موضوعلر قولگه آلینگن لیگی معلوم قیلیندی.