قاسم سلیمانی نینگ اولدیریلگن لیگی منطقه ده بر قرارسیزلیک نی آرتیره دی
اوشبو مطلب نی تورکیه نینگ اقتدارده بولگن عدالت و توسعه حزبی نینگ سوزچیسی بیلدیردی
تورکیه ده اقتدارده بولگن عدالت و توسعه حزبی نینگ سوزچیسی عمر چلیک, ترتیب له گن مطبوعات ییغینیده کون ترتیبی ده اورین آلگن مسئله لر نی بهالنتیردی.
میلادی 2020- ییل نینگ کتته سیاسی بحران لر و خلق ارا مقیاسده جدی معما لر گه سبب بوله دیگن بیر حادثه بیلن باشله گن لیگی نی بیلدیرگن چلیک, ایران لیک جنرال قاسم سلیمانی و حشد شعبی باشلیغی نینگ اورینباسری ابو المهدی المهندس نینگ جمعه کونی عراق ده اولدیریلگن لیگی نی معلوم قیلدی.
اوشبو حادثه نینگ, اورته شرق و خلق ارا مقیاس ده گی موازنه لر گه بیواسطه تاثیر قالدیره دیگن لیگی گه دقت قره تگن چلیک, هر کون ینگی بیانات لر بیلن اوشبو بحران نینگ ینه ده چقورله شیب باریاتگن لیگی نی معلوم قیلرایکن, تورکیه نینگ هم خوددی شوو ینگیلیک لر نی کوزه تیب باریاتگن لیگی نی ایسله تیب اوتدی.
عراق نینگ بحران نینگ چقورله شیب باریاتگن بیر جغرافیه دن عبارت ایکن لیگی نی بیلدیرگن چلیک, "اوشبو حادثه آرتیدن, ایران نینگ هسته ای کیلیشوو دن بوتونلی واز کیچگن لیگی نی بیلدیرگن لیگی, عراق ده یوز بیرگن مذکور حادثه نینگ, فقط گینه منطقه ایمس, بلکه جهان مقیاسیده تاثیر قالدیره دیگن لیگی نینگ کورستگیچی دن عبارت. شونده ی قیلیب عراق, منطقه میز و دنیا ده برقرارلیککه تاثیر قالدیره دیگن منفی ینگیلیک لر باشلنگن بولدی" دییه قید ایتدی.
سلیمانی نینگ اولدیریلگن لیگی نینگ منطقه ده برقرارسیزلیک نی چقورلشتیره دیگن لیگی نی بیلدیرگن چلیک, تامان لرنینگ بیر بیر لری نی تهدید ایتیش میزانی نینگ آرتیب باریاتگن لیگی نی ایسله تیب اوتدی.
