امریکا بیلن ایران اورته سیده گی بحران بوییچه مهم بیر ادعا

امریکا قوشمه ایالتلری مدافعه وزیرلیگی (پنتاگون) نینگ هند اوقیانوسی ده گی دیگو گارسیا جزیره سی گه هسته ای ظرفیت گه ایگه آلتی  بی – 52 اوروش طیاره سی یوباره دیگن لیگی ادعا ایتیلدی.

امریکا قوشمه ایالتلری نینگ سی ان ان تلویزیونی بیلن مصاحبه قیلگن امریکا لیک بیر مسئول کیشی, اوشبو اوچاق لرنینگ, ایران بیلن بولگن بحران نینگ ینه ده چقورله شیب کیتیشی گه قرشی تدبیر آلیش اوچون یوباریله دیگن لیگی نی بیلدیردی. 

اوشبو مسئول کیشی, خوددی شوو طیاره لرنینگ ایران نی اوریش اوچون تیار توره دیگن لیگی نی بیلدیررایکن, حاضرچه هیچ قنده ی بیر عملیات بویروغی نینگ موجود ایمس لیگی نی معلوم قیلدی. 

دیگو گارسیا جزیره سی ایران دن تقریباً 4 مینگ کیلومتر لیک بیر مسافه ده اورین آلماقده. 

امریکا قوشمه ایالتلری نینگ بی- 52 اوچاق لری نی منطقه ده گی حربی مرکز لری اورنیگه هند اوقیانوسی ده گی اوشبو جزیره گه یوباریش نی ریجه له گن لیگی نینگ سببی نینگ, ایران نینگ 2 کیلومترلیک بیر منزل گه ایگه شهاب و 2 مینگ 500 کیلومتر لیک بیر مسافه نی اوره آله دیگن سومار راکت لری دن قورینیش دن عبارت ایکن لیگی بیلدیریلماقده.