استانبول – بخارا اورته سیده اوچاق اوچیشلری باشلندی

استانبولدن اوزبیکستان نینگ بخارا شهریگه توریستیک چارتر اوچیشلری باشلندی.

بیر هوا یول شرکتی تامانیدن بخاراگه قره ته باشله تیلگن توریستیک چارتر اوچیشی اوچون مراسم اویوشتیریلدی.  

دستلبکی چارتر اوچیشی عملگه آشیرگن اوچاق نی بخارا والیسی اورینباسری باتر شهریاراوف، بخارا بلدیه باشلیغی کریم کمالوف، توریزم ریاستی باشلیغی فرقت خواجه یوه و ایریم اوزبیک اداره چیلر کوتیب آلدی.

مراسم گه جمهور باشلیغی باش مصلحتچیسی اسرافیل قیشله، دینی ایشلر مصلحتچیسی حیدر بکر اوغلی، اطلس گلوبال هوا یول مدیری اورخان سنجر کبی بیر قطار اداره چیلر بیلن کوپلب توریست اورین آلدی.

چارتر اوچیشلرنینگ اوزبیکستان مسؤلی احسان کورت، استانبولدن بخاراگه عملگه آشیریله دیگن اوچیشلرنینگ قیتیش پروازلری نینگ سمرقند آرقه لی عملگه آشیریله جگینی معلوم قیلیب، بو چارتر اوچیشلری نینگ اوز ارا توریزم گه کتته حصه قوشه جگینی کوتگنلیکلرینی بیلدیردی.

اوزبیکستان نینگ انقره بویوک ایلچی لیگی توریزم مصلحتچیسی خلوصی گلسرن هم، چارتر اوچیشلری نینگ توریزم فصلیده هفته ده ایککی مرته عملگه آشیریلیشدن خبر بیریب، طلب بولگن تقدیرده اوزبیکستان نینگ ایریم تاریخی شهری خیوه شهریگه هم بو اوچیشلرنینگ باشله تیشلری نینگ ممکن ایکن لیگینی قید ایتدی.