ایران ترامپ نینگ سفرینی تنقید ایتیب ناراضی چیلیک بیلدیردی

ایران، امریکا قوشمه ایالتلری دولت باشلیغی دونالد ترامپ نینگ چهارشنبه کونی کوتیلمه گن بیر شکلده عراق نینگ غربیده جایلشگن انبار ولایتیده گی عین الاسد عسکری قونلغه سیگه سفر قیلیب بارگن لیگینی تنقید ایتدی.

تشقی ایشلر وزیرلیگی سوزچیسی بهرام قاسمی، بیرگن یازمه بیاناتیده دونالد ترامپ نینگ سفری بیلن تیگیشلی واشنگتن اداره سینی تنقید ایتدی.

امریکا قوشمه ایالتلری نینگ منطقه و عراقده گی موجودیتی انچه مداخله لر، خرجت قیلینگن میلیاردلب دالر و بو مملکت نینگ خلقی اوچون جبران بولمیه دیگن آغیر مالیت لرنینگ نتیجه سیده قانونسیز و مشروع بولمه گن بیر شکلده عملگه آشیریلگن دییه بیان ایتدی قاسمی.

"ترامپ یشیره نچی بیر شکلده اینگ قتتیق خوفسیزلیک تدبیرلری آستیده منطقه ده گی بیر مملکت نینگ توپراقلریگه باریشی، متخصصلر، عراقلیک مقاملر  و مملکت خلقی نینگ مخالفتی گه سبب بولماقده" دیب ایتدی.

قاسمی ترامپ نینگ عراققه قیلگن کوتیلمه گن سفرنینگ دیپلوماتیک معیارلرگه ضد ایکن لیگینی و عراق نینگ ملی حاکمیت گه حرمت سیزلیک معناسیگه کیلگنینی افاده ایتدی.

منطقه حکومتلری و خلقلری نینگ هیچ بیر پیتده اشغالچی بیگانه کوچلرنینگ منطقه مملکتلری اورته سیده دوگانه لیک یراتیشی گه رخصت بیرمس لیکلرینی معلوم قیلیب، "بیگانه کوچلر آخر بولسه منطقه نی ترک ایتیب کیته دیلر. منطقه مملکتلری خوفسیزلیک و بردم لیک نینگ منطقوی کوچ و منبعلرگه تیانیب تامین ایتیلیشیدن ایریم چاره سی بولمه گنینی بیلیشی کیره ک" دیب ایتدی.

امریکا قوشمه ایلتلری دولت باشلیغی دونالد ترامپ تورموشی بیلن بیرگه لیکده عراق نینگ غربیده جایلشگن انبار ولایتیده گی عین الاسد عسکری قونلغه سیگه سفر قیلیب بارگن ایدی.

امریکالیک عسکرلر بیلن اوچره شگن ترامپ؛

" "عراقدن چیقیش توغریسیده هیچ قنده ی پلان یوق. اگر سوریه ده بیر نرسه لر قیلماقچی بولسک عراقنی مرکز اوله راق استفاده قیلیشیمیز ممکن" دیب ایتگن ایدی و 3.5 ساعت لیک سفری نینگ آرتیدن عراق لیک اداره چیلر بیلن اوچره شمه ی مملکتی گه قیتیب کیتگن ایدی.