تورکیه لیک ژورنالیستلر بخاراگه سفر قیلدیلر
تورکيه عامه‌وي اخبارات واسطه‌لری خادملری شرق گوهری بولگن قدیمي بخارا گه باریب زیارت قیلدیلر
«افراسياب» سرعتلی ریل بیلن سمرقنددن کیلگن مهمانلرنی «بخارا» تیمیر یول استیشنیده بخارا ولایتی حاکمی نینگ توریزمنی رواجلنتیریش مسأله‌لری بوییچه اورین باسری شهرياراوف و بیر قطار اداره چیلر کوتیب آلدی.
تورکيه لیک ژورنالیستلر رئیس جمهور شوکت میرضیایف نینگ جاري ییل 25-26-اکتوبر کونلری تورکيه جمهوریتیگه رسمی سفری چاغیده ایریشیلگن اوز ارا کیلیشووگه اساسن اوزبیکستانگه باردی.
تورکيه عامه‌وي اخبارات واسطه‌لری خادملری شرق گوهری بولگن قدیمي بخارا نینگ دنیاگه مشهور تاریخي-معماري یادگارلیکلری سیره سیگه کیرووچی مناره یی کلان، مسجد کلان، پایی کلان همده لب حوض مجموعه‌لری، اسماعیل ساماني و باشقه دقّتگه سزاوار جایلرینی تماشا قیلدی.
اوزبیکستان نینگ قدیمي شهرلری، اینیقسه، بخارا حقیده کوپ اوقیگنمیز، ایشیتگنمیز، – دییدی «ینگی بیرلیک» گزیته سی مخبری موسی علی اوغلی. – بو ییرگه کیلیش کوپچیلیگیمیز نینگ آرزویمیز ایدی. منه، قدیم شهرده‌میز. یادگارلیکلری، مهمان‌دوست آدملری، عموماً، برچه سی حیرتلنرلی. مین و هم‌کسبلریم بخاراگه سفر تأثراتلریمیزنی مطبوعاتیمیز صحیفه‌لری و تلویزیون کورستوولرده حکایه قیله میز. بو تورکيه‌ده اوزبیکستانگه قیزیقیشنی ینه ده آشیره دی. دیمک، سیاحلر سانی کوپه یه دی.
مهمانلر بهاوالدین نقشبند یادگارلیک مجتمع سیده هم بولیب، بویوک اجدادیمیز قبرینی زیارت قیلدی. اوشبو مسکننی آباد ایتیش و اونی تبرُک زیارتگاهگه ایلنتیریش باره‌سیده عملگه آشیریلگن ایشلر مهمانلرده کتّه تأثرات قالدیردی.
تورکيه ده نقشبنديه طریقتی، اونینگ ایزگو غایه سی یخشی بیلینه دی، دیب ایته دی خبرنگار مِحمد عمر قیلیچ. بیز بهاوالدین نقشبند حضر‌تلری قبرینی زیارت قیلدیک. بونده‌ی مقّدس جایلر کیشی روحینی یینگیل قیله‌دی، انساننی ایزگو ایشلرگه اونده یدی. مین بخاراگه ینه کیلیب، بو قوتلوغ زمینده یشب اوتگن عبدالخالق غیجدوواني، خواجه عارف ماه تابان، محمد بابای سماسي، سعید امیر کلال کبی نقشبند بابامیز نینگ استاذلری قبرلرینی زیارت قیلیشنی کونگلیمگه جای قیلدیم.
