تورت اولکه ایراننی بیرلشگن ملتلر تشکیلاتی گه شکایت ایتدی

امریکا قوشمه ایالتلری، انگلستان، آلمان و فرانسه اوتگن هفته فضاگه ماهواره یوبارگن گنینی اعلان قیلگن ایراننی بیرلشگن ملتلر تشکیلاتی خوفسیزلیک شوراسیگه شکایت ایتدیلر.

ایران بیلن نوکلر مذاکره لری آلیب بارگن 6 اولکه آره سیده اورین آلگن 4 غربی اولکه تامانیدن بیرلشگن ملتلر تشکیلاتی خوفسیزلیک شوراسیگه جونتگن مکتوب ده ایران نینگ سیمرغ راکتینی فضاگه جونتگنی نینگ "تحریک و تهدیدکار" بیر آدیم اوله راق بهالندیریلدی.

مکتوب ده راکت نینگ نوعیتی توغریسیده انیق دلیل گه اورین بیریلمه گن بیراق بو بالستیک راکت بولگن حالده نوکلر اوچی بولیش ظرفیت و مصافه گه ایگه بولیشی ممکن ایکن لیگی قید ایتیلدی.

بو حرکت نینگ ایران بیلن بیرلشگن ملتلر تشکیلاتی خوفسیزلیک شوراسی نینگ 5 دائیمی اعضاسی و آلمان (P5+1) آره سیده 2015 – ییلی آلیب باریلگن و بیرلشگن ملتلر تشکیلاتی خوفسیزلیک شوراسی تامانیدن تصدیق قیلینگن کیلیشووگه ضد ایکن لیگی بیلدیریلگن. مذکور مکتوب ده کیلیشووگه کوره، نوکلر خاصیتی بولگن بالستیک راکت چیقریشی بیلن تیگیشلی بیر حرکت قیلیشی منع قیلینگن لیگی ایسله تیلگن.

خلق ارا جمعیت نینگ ایرانگه کیلیشوونی علنی بیر شکلده اخلال قیلگن لیگی بیلن علاقه لی پیام جونتیش لرینی سوره دی.

انگلستان نینگ بیرلشگن ملتلر تشکیلاتی دائیمی نماینده سی متیو ریکروفت ژورنالیست لرگه بیرگن بیاناتیده ایران بیلن بولگن کیلیشوونی حمایه قیلیش گه دوام ایترلیکلرینی معلوم قیلیب، "کیلیشوونینگ برچه تامانلرگه گپ لریگه صادق بولیش لری و کیلیشوونینگ شرط لریگه ماس حرکت ایتیش گه چقیره میز" دیدی.

ایران دولت تلویزیونی 27 جولایده فضاگه بیر راکت آتگن لیکلرینی خبر بیرگن ایدی.

اوزاق مذاکره لرنینگ آرتیدن ایران 5+1 اولکه لری بیلن 2015 نچی ییلی نوکلر پروگرام نینگ توخته تیلیشی و بونگه مقابل بیرلشگن ملتلر تشکیلاتی نینگ تحریم لری نینگ برطرف ایتیلیشی توغریسیده کیلیشوو امضالنگن ایدی.