پاکستانده افغان دیپلمات اولدیریلدی

پاکستانده افغانستان لیک دیپلمات اولدیریلدی. 

اوشبو مطلب نی افغانستان نینگ پاکستان ده گی ایلچی سی عمر زاخیلوال فیسبوک آدرسی آرقه لی بیرگن بیاناتیده بیلدیردی. 

زاخیلوال, افغانستان نینگ کراچی ده گی قونسلگرلیگی نینگ صحنه سیده اوق اوزیلیشی عاقبتیده بیر نفر افغانستان دیپلماتی نینگ جان بیرگن لیگی نی معلوم قیلدی. 

عینی دمده زاخیلوال فیر قیلگن کیشی نینگ ایسه قونسلگرلیک نینگ صحنیده گی بیر نفر افغان قوریقچی دن عبارت ایکن لیگی نی بیلدیردی. 

افغانستان سفیری, اوشبو حادثه نینگ شخصی بیر اختلاف دن عبارت بولیشی نینگ ممکن ایکن لیگی نی معلوم قیلدی. 

پاکستان نشراتی اورگان لری ایسه, افغانستان نینگ کراچی شهریده گی قونسلگرلیگیده اوچینچی سکرتر بولگن محمد زکی نینگ کلیفتون منطقه سیده آتیب اولدیریلگن لیگی نی بیلدیردی.