ایردوغان اوزبیکستان گه اوتیب باردی
اسلام کریم اوف نینگ قبریگه باریب زیارت قیلدی
ایردوغان اوزبیکستان گه اوتیب باردی
جمهور رئیس ایردوغان پاکستان ده گی اوچره شوولری نینگ آرتیدن تناون کون کیچقرون اوزبیکستان گه اوتیب باردی.
ایردوغان اولاً اوزبیکستان نینگ بیرینچی جمهور رئیسی اسلام کریم اوف نینگ قبریگه باریب زیارت قیلدی.
جمهور رئیس بوگون اوزبیکستان موقتی جمهور رئیسی و باش وزیری شوکت میرضیایف بیلن خصوصی اوچره شوو عملگه آشیره دی و آرتیدن هیأت لر آره سی اوچره شوو بولیب اوته دی.
ایردوغان جنابلری امام بخاری و امام ماتریدی قبرینی زیارت قیله دی آرتیدن تاریخی ریگستان میدانینی باریب کوره دی.
ایردوغان گه باش وزیر اورین باسرلری توغرول ترکیش و ویسی قیناق، تشقی ایشلر وزیری مولد چاووش اوغلی، انرژی و معدن وزیری برات آل بیراق، اقتصاد وزیری نهاد زیبکچی و عائیله و اجتماعی سیاستی وزیری فاطمه بیتول سایان قایا همراه لیک قیلماقده.
ایردوغان پاکستان دن حرکت قیلمسدن آلدین نواز شریف دعوت ترتیب بیردی. دعوت نینگ آرتیدن ایردوغان اوز تیویتر آدرسی آرقه لی "پاکستان سفریمیز ایککی اولکه آره سیده گی دوستلیک نی کوچلی بولیشی گه سبب بولدی" دیب ایتگن. دوست پاکستان خلقی و اداره چیلرنینگ مهمان نوازلیگی باعث خرسند بولگن لیکلرینی قید ایتگن.
ایردوغان ممنون حسین، نواز شریف و پنجاب ایالت باشلیغی شهباز شریف گه منتدارچیلیک بیلدیردی.
