غله یوکلنگن ینه اوچ کیمه اوکراین دن جونه دی

غله و حبوبات انتقال ایتتیریلیشی بوییچه فعالیت لر دایره سیده غله یوکلنگن ینه اوچ کیمه اوکراین بندر لری دن حرکت قیلدی. 

اوشبو توغریده تورکیه مدافعه وزیرلیگی تامانیدن بیانات بیریلدی.

بیاناتده, بوگون ایرته لب ینه اوچ کیمه نینگ اوکراین دن حرکت قیلگن لیگی بیلدیریلرایکن, اوکراین دن کیلگن بیر کیمه بیلن اوکراین گه کیته دیگن 5 کیمه نینگ تیکشیریله دیگن لیگی معلوم قیلیندی. 

قاره دینگیز آرقه لی امنیت بیر شکلده غذایی مواد انتقال ایتتیریلیشی اوچون 22- جولای کونی استانبولده, اوکراین بیلن روسیه اورته سیده "استانبول غله کیلیشووی" امضالنگن ایدی.

اوشبو کیلیشوو نینگ امضاله نیشی مناسبتی بیلن بولیب اوتگن مراسمده تورکیه جمهوریتی جمهوررئیسی رجب طیب اردوغان و بیرلشگن ملتلر تشکیلاتی عمومی سکرتری آنتونیو گوترش هم اشتراک قیلگن ایدی.   

محصولات نینگ امنیت بیر شکلده انتقال ایتتیریلیشی اوچون تشکیل ایتیلگن اورتاق کوردیناسیون مرکزی, 27- جولای کونی استانبولده فعالیت گه باشله گن ایدی.