سعودی عربستان امریکا قوشمه ایالتلریدن میلیاردلب دالرلیک سلاح ساتیب آله دی

امریکا قوشمه ایالتلری تشقی ایش لر وزیرلیگی, سعودی عربستان و بیرلشگن عرب امیرلیک لری گه توپلم 5 میلیارد دالر دن آرتیق سلاح ساتیلیشی نی معقوله گن لیگی نی معلوم قیلدی. 

وزیرلیک, سلاح ساتیش کیلیشوو لری دایره سیده, سعودی عربستان نینگ 3,05 میلیارد دالرلیک پاتریوت راکت ساتیب آله دیگن لیگی نی بیلدیردی. 

اوشبو دایره ده بیرلشگن عرب امیرلیک لری گه 2,25 میلیارد دالرلیک یوکسک ارتفاع هوا مدافعه راکت تیزیمی ساتیله دی. 

پنتاگون گه باغلیق مدافعه خوفسیزلیک و همکارلیک آژانسی گه کوره, اوشبو سلاح ساتیش کیلیشوو لری بیلن سعودی عربستان اردوسی گه 300 پاتریوت راکت کسب ایتتیره دی. 

کیلیشوو دایره سیده بیرلشگن عرب امیرلیک لری 2  ته یوکسک ارتفاع هوا مدافعه راکت تیزیمی آتیش مرکزی, 2 ته یوکسک ارتفاع هوا مدافعه راکت تیزیمی تاکتیک عملیات مرکزی و 96 راکت آله دی. 

بیش میلیارد دالر دن آرتیق سلاح ساتیش کیلیشوو لری نینگ, امریکا قوشمه ایالتلری نینگ ایران بیلن هسته ای کیلیشوو مذاکره لری گه قیتیش بوییچه اشارت لر آرتیدن بحث موضوعی بولگن لیگی دقت گه سزاوار بیر موضوع نی تشکیل ایتماقده. 

امریکا قوشمه ایالتلری, سابق دولت رهبری دونالد ترامپ دوری ده ایران هسته ای سلاح معاهده سی دن چیقارایکن, موجود دولت رهبری جو بایدن ایسه با معاهده گه قیتیش اوچون ایران بیلن مذاکره لرنینگ دوام ایتتیریلیشی گه طرفدارلیک بیلدیرماقده.