ایران بیلن روسیه اورته سیده 40 میلیارد دالرلیک کیلیشوو امضالندی

روسیه نینگ انرژی شرکتی دن عبارت گازپروم, ایران بیلن اوشبو اولکه ده گی پطرول و طبیعی گاز ساحه لری بیلن علاقه لی 40 میلیارد دالرلیک سرمایه گذارلیک کیلیشووی امضاله دی. 

ایران دولت تلویزیونی, کیلیشوو نینگ, تهران ده ایران ملی پطرول شرکتی بیلن گازپروم مسئول لری تامانیدن امضالنگن لیگی نی بیلدیردی. 

ایران ملی پطرول شرکتی نینگ باشلیغی محسن خجسته مهر, اوشبو کیلیشوو نی, "اولکه سی نینگ پطرول سکتوری ده گی اینگ کتته خارجی سرمایه گذارلیک کیلیشووی" اوله راق بهالنتیردی. 

"ملی پطرول شرکتی بیلن گازپروم اورته سیده 40 میلیارد دالرلیک سرمایه گذارلیک کیلیشووی امضالندی" دییه قید ایتگن خجسته مهر, اوشبو دایره ده, گازپروم نینگ, ایران نینگ شمالی پارس و بصره کورفزی ده گی کیش ارالی یقینیده اورین آلگن گاز ساحه لری نینگ رواجلنتیریلیشی و ایران نینگ سویولتیریلگن طبیعی گاز پروژه لری نینگ تکمیل بولیشی اوچون اون میلیاردلب دالرلیک سرمایه گذارلیک قیله دیگن لیگی نی بیلدیردی.