اردوغان: تورکیه نی دنیا نینگ اینگ ییریک اون اولکه سی قطاری گه کیریتماقچی میز

تورکیه جمهوریتی جمهوررئیسی رجب طیب اردوغان, هدف لری نینگ تورکیه نی اقتصادی جهت دن اینگ ییریک 10 اولکه سی قطاری گه کیریتیش دن عبارت ایکن لیگی نی بیلدیردی.

اردوغان, استانبولده جمهوررئیسلیک دولمه باغچه دفتری ده اقتصاد متخصص لری و اکادمسین لر نینگ اشتراکی بیلن بولیب اوتگن مراسمده معروضه قیلدی. 

تورکیه نینگ بیرینچی مرته اوز حکومت لری دوریده تقریباً 20 ییلدن بیری رواجله نیب کیلیاتگن لیگی نی معلوم قیلگن اردوغان, شونده ی قیلیب کتته اقتصادی موفقیت لر قولگه کیریتیش اوچون کیره کلی شرایط نینگ بویوک مقیاسده تامین ایتیلگن لیگی نی بیلدیردی.

اقتدارگه کیلگن پیت لریده 2002- ییلده تورکیه نینگ خلق ارا پول فوندی (آی ام اف) دن 23,5 میلیارد دالر قرضدار ایکن لیگی نی بیلدیررایکن, میلادی 2013- ییلده اوشبو قرض لرنینگ همه سی نینگ تولنگن لیگی نی ایسله تیب اوتدی. 

اردوغان, "حاضرگی کونده آی ام اف دن قرضدار ایمس لیگی میز دیک, آی ام اف بیلن هیچ قنده ی بیر ارتباطی میز هم یوق" دییه قید ایتدی. 

جمهوررئیس اردوغان, تورکیه ده اقتصادی وضعیت نینگ یخشی له شیشی آرتیدن مرکز بانکی ده گی دالر نینگ 115 میلیارد دالر گه کوتریلیب کیتگن لیگی نی معلوم قیلدی. 

اردوغان, "شونده ی قیلیب وضعیتی میز بوندن هم یخشیراق بوله دی.  مقصدی میز اولکه میز نی اقتصادی جهت دن اینگ ییریک 10 اولکه سی قطاری گه کیریتیش دن عبارت" دییه قید ایتدی. 

جمهوررئیس اردوغان, اوز سوز لری نی, "مالی جهت دن موازنه نی قیسقه بیر مدت کیین تامین ایتگنی میزده کیلگوسی یاز آی لریده اولکه میزده باشقه چه بیر اقتصادی اقلیم گه شاهد بوله میز" شکلیده دوام ایتتیردی.