تورکیه اینگ کوپ امریکا قوشمه ایالتلری گه صادرات قیلدی

تورکیه جاری ییل نینگ ایلک 4 آییده تقریباً 1 میلیارد دالرلیک مدافعه و هواچیلیک صنایع سی محصولاتی صادر قیلدی. 

تورکیه امریکا قوشمه ایالتلری گه 386 میلیون 100 مینگ دالرلیک صادرات قیلدی.  اوشبو رقم بیلن امریکا تورکیه دن واردات قیلگن اولکه لر آره سیده بیرینچی اورین نی ایگلله دی. 

جاری ییل نینگ ایلک تورت آییده تورکیه نینگ مدافعه و هواچیلیک صنایع سی محصولاتی صادرات میزانی 47,7 فایز گه آشدی.  شونده ی قیلیب تورکیه اوشبو دورده 949 میلیون 744 مینگ دالرلیک صادرات قیلدی. 

اوتگن ییل نینگ خوددی شوو دوری بیلن سالشتیریلگنده تورکیه نینگ اوشبو سکتور بوییچه امریکا قوشمه ایالتلری گه قیلگن صادرات میزانی نینگ 56 فایز گه آشگن لیگی بیلدیریلدی. شونده ی قیلیب تورکیه نینگ سکتور بوییچه امریکا گه قره تیلگن صادرات میزانی نینگ 386 میلیون 113 مینگ دالر گه کوتریلیب کیتگن معلوم قیلیندی. 

امریکا قوشمه ایالتلری آرتیدن آذربایجان 117 میلیون 315 مینگ دالرلیک بیر رقم بیلن تورکیه دن اینگ کوپ واردات قیلگن ایککینچی اولکه دن عبارت بولدی. 

بیرلشگن عرب امیرلیک لری 90 میلیون 299 مینگ دالرلیک, بنگلدیش 57 میلیون 827 مینگ دالرلیک و آلمان ایسه 50 میلیون 14 مینگ دالرلیک رقم بیلن تورکیه دن اینگ کوپ واردات قیلگن اوچینچی, تورتینچی و بیشینچی اولکه لردن عبارت بولدی.