ایردوغان: تورکیه نینگ کرونا ویروس گه قرشی کوره شی اورنک قیلیب کورسه تیلماقده

تورکیه جمهوریتی جمهوررئیسی رجب طیب ایردوغان, تورکیه نینگ کرونا ویروس (کووید 19) گه قرشی کوره شی نینگ, جهان ساغلیق نی سقلش تشکیلاتی و غرب مطبوعاتیده اورنک قیلیب کورسه تیلیاتگن لیگینی بیلدیردی. 

جمهوررئیس ایردوغان, حسن کیف- 2 کوپریگی نینگ آچیلیشی بوییچه ترتیب لنگن مراسم گه استانبولده گی هوبر قصری دن انترنت آرقه لی اشتراک ایتیب معروضه قیلدی. 

معروضه سیده تورکیه نینگ ساغلیق نی سقلش بوییچه موفقیت لری توغریسیده بحث ایتگن ایردوغان, "ایندی تبعه لری میز تداوی اوچون چیت ایللر گه کیتمه یدی لر.  ایندی چیت ایللیک لر تداوی اوچون تورکیه گه کیلگنده بیز نینگ یوللری میز, کوپریک لری میز و هوا قونلغه لری میز گه حسد بیلن قره یدی لر" دییه قید ایتدی. 

جمهوررئیس ایردوغان, هر ییل یوزمینگلب چیت ایللیک نینگ تورکیه گه کیلیاتگن لیگی نی معلوم قیلدی. 

ایردوغان, " تورکیه نینگ کرونا ویروس (کووید 19) گه قرشی کوره شی, جهان ساغلیق نی سقلش تشکیلاتی و غرب مطبوعاتیده اورنک قیلیب کورسه تیلماقده.  دنیا ده 100 گه یقین اولکه ده حتی بیرینچی دوز واکسین هم بولمس ایکن, اولکه میزده 20 میلیون دوز واکسین نی تطبیق ایتدیک" دییه قید ایتدی.