آذربایجان جمهوررئیسی الهام علی اف تورکیه تجارت وزیری رخسار پیکجان نی قبول قیلدی

تورکیه جمهوریتی تجارت وزیری رخسار پیکجان آذربایجان جمهورررئیسی الهام علی اف تامانیدن قبول قیلیندی. 

علی اف, تورک خلقی نینگ هردایم حمایه سی نی حس ایتگن لیک لری نی بیلدیررایکن, تاغلی قاره باغ اوروشیده هم تورک خلقی نینگ آذربایجان نینگ یانیده اورین آلگن لیگی نی معلوم قیلدی. 

علی اف, جمهوررئیس رجب طیب ایردوغان نینگ اوروش دوریده گی بیاناتلریدن تقدیر و تحسین بیلن بحث ایترایکن, تورک میدیاسی نینگ اوروش بیلن علاقه لی معلومات لرنی دنیا گه ترقه تیش بوییچه رولی نی هم مقته دی. 

اوروش جریانیده و اوندن کیین تورک خلقی نینگ مکتوب یوباریب آذربایجان نی قوللب قوتله گن لیگی نی معلوم قیلگن علی اف, بونینگ ایککی اولکه اورته سیده گی همکارلیک نینگ انعکاسی دن عبارت ایکن لیگی نی بیلدیردی. 

تورکیه جمهوریتی تجارت وزیری رخسار پیکجان ایسه آذربایجان نینگ موفقیت لری سببلی فخرله نیاتگن لیک لری نی معلوم قیلدی. 

قاره باغ اوروشیده آذربایجان ده یوز بیرگن ینگی لیک لر و علی اف نینگ فعالیت لری نینگ تورکیه ده یقیندن کوزه تیلگن لیگی نی معلوم قیلگن پیکجان, تورک خلقی نینگ آذربایجان نینگ موفقیتی سببلی جوده خرسند بولگن لیگی نی بیلدیردی.