پاکستان بیلن تورکیه اورته سیده سوداگرلیک بوییچه کیلیشووگه قول قوییلدی

پاکستان بیلن بیر تورک شرکتی اورته سیده 33،46 میلیون دالرلیک کیمه ایشلب چیقریلیشی بوییچه کیلیشوو گه قول قوییلدی.

پاکستان دینگیزچیلیک وزیرلیگی تامانیدن بیریلگن بیاناتده پایتخت اسلام آبادده اویوشتیریلگن مراسم گه پاکستان دینگیزچیلیک وزیری سید علی حیدر زیدی، تورکیه نینگ اسلام آباد بویوک ایلچیسی احسان مصطفی یورده قل و سنمار دینگیزچیلیک شرکتی ییتکچیلری نینگ قتنشگن لیگی بیلدیریلدی.

بیاناتده بو کیلیشوونینگ ایککی قرداش اولکه اورته سیده آتیلگن مهم آدیم ایکن لیگی تاکییدلندی.

زیدی امضا مراسمیده قیلگن صحبتیده سنمار دینگیزچیلیک شرکتی نینگ پاکستانده کیمه کارخانه سی توزیش و تکنالوژی ترانسفر ایتیشی بوییچه چقیریق قیلدی.

سنمار دینگیزچیلیک بو کیلیشوو چوکاتیده پاکستان گه 12 آی ایچیده 33،46 میلیون دالرلیک تورلی کیمه ایشلب چیقره دی.