تورک هوا یول لری و استانبول هوا قونلغه سی اوروپا ده بیرینچی اورین نی ایگلله دی

استانبول هوا قونلغه سی بیلن تورک هوا یول لری, اوروپا هوا سیر و سفر خوفسیزلیگی تشکیلاتی (EUROCONTROL) تامانیدن بیریلگن معلومات گه کوره جنوری آیی نینگ اوچینچی هفته سیده اوروپا ده بیرینچی اورین نی ایگلله دی. 

مذکور تشکیلات جنوری آیی نینگ 18- 24 جنوری کون لری آره سیده اوچاق لرنینگ اوچیشی بیلن علاقه لی راپور ترقه تدی. 

اوشبو راپور گه کوره, تورک هوا یول لری, اوتگن هفته ده کونده اورته چه 596 اوچیش بیلن اوروپا ده گی رقیب لری دن اوتیب کیتدی. 

عینی دمده مذکور راپورده, استانبول هوا قونلغه سی نینگ اوشبو هفته ده اورته چه کونده 484 اوچیش بیلن اوروپا ده گی هوا قونلغه لری آره سیده بیرینچی اورین نی ایگلله گن لیگی بیلدیریلدی. 

استانبول هوا قونلغه سی آرتیدن ایسه پاریس دوگل, آمستردام شیپول و فرانکفورت هوا قونلغه لری نینگ اورین ایگلله گن لیگی معلوم قیلیندی.