داووس جهان اقتصادی ییغینی باشلندی

سویس نینگ داووس قصبه سیده اویوشتیریلگن 50- جهان اقتصاد ییغینی باشلندی.

دنیانینگ مهم سیاستچی و سوداگرلری قتنشگن و "برکمال و برقرار دنیانینگ تامانلری" موضوعسی بیلن باشلنگن جلسه گه 117 اولکه دن 3 مینگ سوداگر، سیاستچی، بیلیمدان و نادولت اویوشمه لری نینگ نماینده لری قتنشماقده.

داووس گه جمهور باشلیغی اشرف غنی داخل انچه اولکه دولت باشلیغی و باش وزیری اورین آلماقده.

جلسه گه جمهور باشلیغی اشرف غنی بیلن بیر قطارده امریکا قوشمه ایالتلری دولت باشلیغی دانلد ترامپ، آلمان باش وزیری آنگلا مرکل، ایتالیا باش وزیری جوسیپ کونته، اروپا بیرلیگی کینگش باشلیغی اورسولا فون در لیئین و اسپانیا باش وزیری پدرو سنچیز کبی دولت آدملری قتنشماقده.

داووس ده تورکیه دن تضشقی ایشلر وزیری مولود چاووش اوغلی، خزینه و مالیه وزیری برات آلبیراق، تجارت وزیری رخسار پیکجان و مرکز بانک باشلیغی مراد اویسال نماینده لیک قیلماقده.

ییغین چوکاتیده بولیب اوته دیگن جلسه لرده اقلیم اوزگریشی قاله ویرسه تجاری، اقتصادی و دیپلوماتیک موضوعلر قولگه آلینه دی.

قتتیق امنتی چاره – تدبیرلر آلینگن ییغینده اطرافنی سقلش علاقه مندلری مظاهره لر قیلماقده لر.