تورکیه مطبوعاتیدن خلاصه لر 03.04.2024

ستار روزنامه سی, عراق نینگ شمالیده گی متینا و غارا منطقه لری گه قره ته اویوشتیریلگن هوا عملیاتلریده ترور تشکیلاتی پ.ک.ک اعضاسی 6 نفر ترورچی نینگ یوق قیلینگن لیگینی بیلدیرماقده. 

وطن روزنامه سی, یونان نینگ یونان ارال لری گه سفر قیله دیگن تورک لر گه چیگره دروازه لریده ویزه بیریش دوری نی باشلتگن لیگینی معلوم قیلماقده. 

خبرده, تورک سیاح لرنینگ 10 یونان ارال بندریده 60 یورو تولب آله دیگن ویزه بیلن اوشبو اراللرده بیر هفته لیک بیر مدت بیلن قالیش لری نینگ ممکن ایکن لیگی ایسله تیلماقده. 

صباح روزنامه سی, روسیه نینگ سوچی شهری دن حرکت قیلگن 707 یولاوچیسی بولگن " Astoria Grande" ناملی لوکس کیمه نینگ, مصر گه باریشی آرتیدن تورکیه نینگ ازمیر ولایتی گه کیلگن لیگینی یازماقده. 

خبرده, اوشبو کیمه بیلن ازمیر گه کیلگن کوپچیلیگی روس لردن عبارت توریست لرنینگ ازمیر نینگ مهم توریستیک جای لرینی باریب کورگن لیک لری بیلدیریلماقده. 

حریت روزنامه سی, اوتگن ییللرنینگ خوددی شوو دوری بیلن سالیشتیریلگنده تورکیه ده جاری ییل مارچ آییده اینگ کوپ موتر نینگ ساتیلگن لیگی گه دقت قره تماقده. 

خبرده, اوتگن آیده تورکیه ده 109 مینگ 828 ته موتر ساتیلگن لیگی ایسله تیلماقده. 

خبرتورک روزنامه سی, آزاد گرنکه شطرنج مسابقه لریده کوره شگن تورک سپورتچی یاغیز قاآن اردوغموش نینگ 12 یاشده "کتته استاد" عنوانی گه ایگه بولگن لیگی نی ایسلتماقده. 

خبرده, شطرنج تاریخیده بونده ی موفقیت قولگه کیریتگن اینگ یاش کیشی بولگن یاغیز قاآن بیلن بیرگه تورکیه ده گی "کتته استاد" سانی نینگ 16 نفر گه ییتگن لیگی معلوم قیلینماقده.