تورکیه مطبوعاتیدن خلاصه لر 01.04.2024

خبرتورک روزنامه سی, تورکیه ده بلدیه باشلیق لری نینگ سیله نیشی اوچون توناون بولیب اوتگن سیلاو آرتیدن, صندوق لرنینگ تقریباً همه سی نینگ آچیلگن لیگینی بیلدیرماقده. 

خبرده, انیق بولمه گن نتیجه گه کوره, اوشبو سیلاو ده تورکیه ده عدالت و رواجله نیش حزبی 35,4 فایز و جمهوریت خلق حزبی نینگ 37,7 فایز رای آلگن لیگی معلوم قیلینماقده. 

روزنامه, انیق بولمه گن نتیجه لر گه کوره, جمهوریت خلق حزبی کاندید لری اکرم امام اوغلی نینگ استانبول, منصور یواش نینگ انقره و جمیل توغای نینگ ایسه ازمیر بلدیه باشلیغی اوله راق سیلنگن لیگینی یازماقده. 

خبرده, تورکیه جمهوریتی جمهوررئیسی رجب طیب اردوغان نینگ توناون بولیب اوتگن سیلاو بیلن علاقه لی بیرگن بیاناتیده, "بو سیلاو نینگ غالبی دموکراسی میزدن عبارت. ملت نینگ اراده سیدیر" دییه قید ایتگن لیگی ایسله تیلماقده. 

صباح روزنامه سی, تورکیه جمهوریتی جمهوررئیسی رجب طیب اردوغان نینگ توناون تلفن آرقه لی ایران جمهوررئیسی ابراهیم رئیسی بیلن سوزله شگن لیگی گه دقت قره تماقده. 

خبرده, تورکیه جمهوریتی جمهوررئیسلیک علاقه باشقرمه سی تامانیدن بیریلگن بیاناتگه کوره, صحبتده, تورکیه بیلن ایران اورته سیده گی مناسبت لر بیلن بیر قطارده اسرائیل نینگ فلسطین توپراق لری گه قره تیلگن هجوملری و منطقه ده گی وضعیت حقیده هم سوز یوریتیلگن لیگی بیلدیریلماقده. 

ستار روزنامه سی, تورکیه جمهوریتی تشقی ایشلر وزیری خاقان فیدان نینگ, تلفن آرقه لی سعودی عربستانلیک کسبداشی فیصل بن فرحان بیلن سوزله شگن لیگینی معلوم قیلماقده. 

خبرده, غزه ده گی سونگّی وضعیت و تماس گروپی نینگ کیلگوسیده اوشبو موضوع بیلن علاقه لی قیله آلیشی ممکن بولگن ایشلر نینگ بهالنتیریلگن صحبتده, ایکّی تامانلمه مناسبت لر و منطقه مقیاسیده گی ینگیلیک لر باره سیده هم بحث ایتیلگن لیگی بیلدیریلماقده. 

حریت روزنامه سی, لوکس کیمه توریزمی دایره سیده ایلک مراتبه جنوری بیلن فبروری آی لریده 23 لوکس کیمه نینگ تورکیه گه کیلگن لیگینی ایسلتماقده. 

خبرده, 8 بندر گه کیلگن اوشبو لوکس کیمه لر بیلن 23 مینگ 47 یولاوچی نینگ تورکیه گه کیلگن لیگی معلوم قیلینماقده.