تورکیه مطبوعاتیدن خلاصه لر 18.03.2024

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, غزه ده سونگّی عصر نینگ اینگ وحشی قیرغین لری دن بیری نینگ قیلینیاتگن لیگینی بیلدیررایکن, "خلق ارا موسسه لر غزه ده ینه بیر بار ناکام بولدی.  شونی قبول قیلیشی میز کیره ک که اوشبو پروسه ده اسلام دنیا سی هم یخشی بیر امتحان بیره آلمه دی" دییه قید ایتگن لیگینی یازماقده. 

ینی شفق روزنامه سی, تورکیه جمهوریتی ملی مدافعه وزیری یاشر گولر نینگ, "اوتمیش ده آلیب باریلگن چیکلنگن هدف و مدت لر بیلن بولگن عملیات لر اورنیگه, حاضرگی کونده تروریزم نی منبعی ده یوق قیلیش ستراتیژی سی بیلن دواملی و کینگ کولملی عملیات لر اویوشتیریب ترور تشکیلات لری گه قتتیق ضربه اورماقده میز.  تینچلیک و خوفسیزلیگی میز اوچون تروریزم گه قرشی کوره ش نینگ قرارلی لیک و عظم بیلن دوام ایته دیگن لیگینی همه نینگ بیلیشی کیره ک" دییه قید ایتگن لیگینی ایسلتماقده. 

حریت روزنامه سی, تورکیه نینگ ایشلب چیقرگن قوراللر حقیده سوز یوریتگن یونان نینگ in.gr انترنت سایتی نینگ دقت گه سزاوار بیر تحلیل نی بحث موضوعی قیلگن لیگینی بیلدیرماقده. 

خبرده, "تورکیه نینگ مدافعه صنایع سی بوییچه تولیداتی حربی کوچی نی بیر نیچه مراتبه کورسه تیب بیردی" دیگن اوشبو سایت نینگ, تورکیه ده ایشلب چیقریلگن قوراللر نینگ اوروش لرده کتته موفقیت لر قولگه کیریتگن لیگینی بیلدیرگن لیگی ایسله تیلماقده. 

ستار روزنامه سی, تورکیه جمهوریتی انرژی و طبیعی منبع لر وزیری آلپ ارسلان بیرقدار نینگ, تورکیه نینگ دنیا نینگ اینگ ایلغار عمیق دینگیز برمه کارلیک و سیسمیک کیمه لری بیلن ایلک اون اولکه قطاریده اورین ایگلله گن لیگینی بیلدیررایکن, "میلادی 2024- ییل نی کشف ییلی دیب اعلان قیله میز" دییه قید ایتگن لیگی نی معلوم قیلماقده. 

صباح روزنامه سی, تورکیه نینگ آنتالیا شهری گه کیلیش مقصدی بیلن اپریل آییدن کیینگی کون لر اوچون ریزرویشن قیلدیرگن آلمانلیک توریست لر سانی نینگ 1,5 میلیون نفر دن آشگن لیگینی ایسلتماقده. 

خبرده, توریزم ساحه سی بوییچه ایش آلیب باریاتگن کیشی لرنینگ ایلک مراتبه آلمانلیک توریست سانی نینگ روس سیاح لردن کوپراق بولگن لیگی نی بیلدیرگن لیگی معلوم قیلینماقده.