تورکیه مطبوعاتیدن خلاصه لر 13.03.2024

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, اسرائیل نینگ غزه گه قره تیلگن هجوملریگه عکس العمل کورسه ترایکن, "غرب و اسرائیل, اوز لری اوچون دنیا نی یاقدی.  اسرائیل نینگ غزه ده گی ظلمی نی هم انسان حق لری و دموکراسی کبی گپ لر بیلن مشروع لشتیرماقچی بولگن لر بولر ایمس می؟" دییه قید ایتگن لیگینی بیلدیرماقده. 

ستار روزنامه سی, بیر افطار مراسمیده سفیر لر بیلن صحبت قیلگن جمهوررئیس اردوغان نینگ, "قاتل نی قاتل دیماقدن بیز نی واز کیچیره آلمه یدی لر.  اسرائیل لیک باشقروچی لر, قیرغین حقیقتی نی یاشیریش گه حرکت قیلیش اورنیگه غزه ده اولگن چقه لاق لرنینگ حسابی نی بیرسین" دییه قید ایتگن لیگینی یازماقده. 

حریت روزنامه سی, تورکیه جمهوریتی قوراللی کوچلری نینگ عراق نینگ شمالیده گی پنجه- قفل عملیاتی دوام ایترایکن, عراقلیک محلی مسئول لر بیلن مهم بیر ییغیلیش بولیب اوتگن لیگی نی یازماقده. 

خبرده, اوشبو ییغیلیشده عراق- تورکیه چیگره سی نینگ خوفسیزلیگی توغریسیده سوز یوریتیلگن لیگی معلوم قیلینماقده. 

صباح روزنامه سی, خلق ارا اعتبار نی اولچش موسسه سی دن عبارت فیتچ ریتینگس نینگ تورکیه تحلیلچی سی ایریخ آریسپ مورالس نینگ, تورکیه نینگ موجود اقتصادی سیاستی نینگ چیدملی راق ایکن لیگی و اوشبو سیاست نینگ دوام ایته دیگن لیگی گه ایشانچ لری نینگ آرتگن لیگینی بیلدیرگن لیگی گه دقت قره تماقده. 

وطن روزنامه سی, میلادی 2003- ییلده " Everyway That I Can" قوشیغی بیلن یوروویژن قوشیق تنلاویده تورکیه گه بیرینچی اوریننی کسب ایتدیرگن سرتاب اره ن ار نینگ, 21 ییل کیین ینه یوروویژن ده صحنه آله دیگن لیگینی بیلدیرماقده. 

خبرده, 2024 یوروویژن نینگ بولیب اوته دیگن سویدن تامانیدن دعوت قیلینگن لیگینی بیلدیرگن اره ن ار نینگ, " Everyway That I Can" قوشیغی نینگ فرقلی بیر شکلی نی ایته دیگن لیگینی معلوم قیلگن لیگی ایسله تیلماقده.