تورکیه مطبوعاتیدن خلاصه لر 11.03.2024
تورکیه مطبوعاتیده باسیلیب چیققن خبر لرنینگ خلاصه لری
حریت روزنامه سی, دنیا نینگ استانبولده اردوغان بیلن زلنسکی اورته سیده بولیب اوتگن اوچره شوو حقیده بحث ایتیاتگن لیگینی بیلدیرماقده.
خبرده, اوشبو مهم اوچره شوو حقیده سوز یوریتگن فرانسه مطبوعاتی نینگ, "زلنسکی تورکیه نینگ حمایتی گه ایشانماقده" دییه قید ایتگن لیگی ایسله تیلماقده.
روزنامه, خبرده, تورکیه نینگ ینگی نسل وطنی قورال لری نینگ اوروشده اوینه گن رولی گه دقت قره تیلگن لیگینی یازماقده.
وطن روزنامه سی, تورکیه جمهوریتی عدالت و رواجله نیش حزبی نینگ سوزچیسی عمر چلیک نینگ, (اسرائیل باش وزیری بنیامین) نتنیاهو رهبریتی نینگ جمهوررئیس رجب طیب اردوغان و تورکیه گه قرشی بیرگن بیاناتلری گه عکس العمل کورستگن لیگی گه دقت قره تماقده.
خبرده, اجتماعی ترماق آرقه لی بیانات بیرگن چلیک نینگ, "بوتونله ی معصوم انسان لرنی هدف قیلیب آلیاتگن نتنیاهو رهبریتی و قیرغین شبکه سی نینگ, جمهوررئیسی میز حرمتلی رجب طیب اردوغان و تورکیه گه قرشی سوز لری نینگ هیچ قنده ی بیر اهمیتی یوق" دییه قید ایتگن لیگی ایسله تیلماقده.
خبرتورک روزنامه سی, تورکیه جمهوریتی جمهوررئیس اورینباسری جودت ییلماز نینگ, "(تورم نینگ توشیشیده) میلادی 2024- ییل نینگ ایکّینچی یریمی ده انیق تاثیر نی کوره میز. میلادی 2025- ییلده ینه ده پس راق سویه ده بوله دی. میلادی 2026- ییلده ایسه تورم میزانی نی 10 فایز دن پس راق سویه گه توشیریش بوییچه قرارلی میز" دییه قید ایتگن لیگی گه دقت قره تماقده.
صباح روزنامه سی, تورکیه نینگ شیرناق ولایتیده تروریزم دن تصفیه ایتیلگن گابار و جودی تاغ لری نینگ, ینگی انرژی منبعی گه ایله نیب قالگن لیگینی بیلدیرماقده.
خبرده, میلادی 2019- و 2020 – ییللرده منطقه ده آلیب باریلگن سیسمیک و برمه کارلیک فعالیت لری آرتیدن قازیلگن قودوق لر بیلن کونده لیک 37 مینگ بیرل پطرول تولیدی اوچون امکانیت تامین ایتیلگن لیگی معلوم قیلینماقده.
ستار روزنامه سی, تورکیه نینگ بیرقدار تی بی 2 قوراللی اوچووچیسیز اوچاق لری نینگ صادر قیلینگن اولکه لر قطاری گه مالدیو نینگ هم کیریتیلگن لیگی نی بیلدیرماقده.
خبرده, بیریلگن معلومات گه کوره, مالدیو نینگ, تورکیه دن خوفسیزلیک کوچلری نینگ ضرورتی اوچون قومانده کنترول استیشنی و 6 بیرقدار تی بی 2 دن تشکیل تاپگن بیر سیستم آله دیگن لیگی ایسله تیلماقده.
روزنامه, موجود کیلیشوو دایره سیده واسطه لرنینگ تاپشیریلیشی پروسه سی نینگ باشله گن لیگینی یازماقده.
