تورکیه مطبوعاتیدن خلاصه لر 06.03.2024

صباح روزنامه سی, تورکیه جمهوریتی جمهوررئیسی رجب طیب اردوغان نینگ, توناون فلسطین دولت رهبری محمود عباس بیلن اورتاق مطبوعاتی کنفرانس ترتیب له گن لیگینی بیلدیرماقده. 

خبرده, اردوغان نینگ, قاتل اسرائیل نینگ قیرغین فعالیت لری گه عکس العمل کورسه ترایکن, "نتنیاهو و جنایت اورتاق لری توککن هر بیر تامچی قان نینگ حسابی نی حقوق و وجدان آلدیده بیره دی" دییه قید ایتگن لیگی ایسله تیلماقده. 

حریت روزنامه سی, تورکیه جمهوریتی تشقی ایشلر وزیری خاق فیدان نینگ ایرته گه بولیب اوته دیگن 7- تورکیه – امریکا قوشمه ایالتلری ستراتژیک میکانیزم ییغیلیشیده اشتراک قیلیش اوچون امریکا گه جونب کیته دیگن لیگینی معلوم قیلماقده. 

خبرده, اوشبو ییغیلیشده تروریزم گه کوره ش دن باشلب اقتصادی همکارلیک لر گه قدر بولگن کوپلب موضوع لر حقیده سوز یوریتیله دیگن لیگی بیلدیریلماقده. 

ستار روزنامه سی, تورکیه جمهوریتی ملی استخبارات اداره سی و استانبول ولایتی امنیه قوماندانلیگی تروریزم گه قرشی کوره ش شبعه سی تامانیدن اویوشتیریلگن اورتاق عملیاتده, قولگه کیریتگن معلوماتلرنی اسرائیل استخباراتی موساد گه ساتگن 7 کیشی نینگ اوشلنگن لیگینی یازماقده. 

خبرتورک روزنامه سی, اوتگن ییل نینگ خوددی شوو دوری بیلن سالیشتیریلگنده جاری ییل نینگ دستلبکی ایکّی آییده تورکیه نینگ توریستیک آنتالیا شهری گه کیلگن چیت ایللیک سیاح سانی نینگ 10,82 فایز گه آشیب 499 مینگ 784 نفر گه ییتگن لیگینی بیلدیرماقده. 

وطن روزنامه سی, شرقی قاره دینگیز دن جنوری بیلن فبروری آی لریده قیلینگن تورک سالمون بلیغی صادراتی نینگ 24 فایز گه آشیب 19 میلیون 45 مینگ 787 دالر گه ییتگن لیگینی معلوم قیلماقده.