تورکیه مطبوعاتیدن خلاصه لر 04.03.2024

صباح روزنامه سی, تورکیه جمهوریتی جمهوررئیسی رجب طیب اردوغان نینگ, تلفن آرقه لی, پاکستان باش وزیری شهباز شریف بیلن سوزله شگن لیگینی بیلدیرماقده. 

خبرده, اوشبو صحبتده تورکیه بیلن پاکستان اورته سیده گی مناسبت لردن تشقری, منطقه و خلق ارا مقیاسده گی موضوع لر حقیده هم سوز یوریتیلگن لیگی ایسله تیلماقده. 

روزنامه, اردوغان نینگ, قیته باشدن باش وزیر ایتیب سیلنگن لیگی اوچون شهباز شریف گه تبریک بیلدیررایکن, ینگی دورده تورکیه بیلن پاکستان اورته سیده گی مناسبت لرنینگ ینه ده کوپراق رواجله نه دیگن لیگی گه ایشانیاتگن لیگی نی بیلدیرگن لیگینی معلوم قیلماقده. 

خبرتورک روزنامه سی, تورکیه جمهوریتی تشقی ایشلر وزیری خاقان فیدان نینگ, غزه ده آتشکیسین نینگ اورنه تیلیشی اوچون مذاکره لرنینگ دوام ایتیاتگن لیگینی بیلدیررایکن, "رمضان دن آلدین آتشکیسین نینگ اورنه تیلیشی بوییچه جدی آرزو و انتیلیش لر بار" دییه قید ایتگن لیگی نی یازماقده. 

خبرده, عینی دمده فیدان نینگ, کیلگوسی هفته ده امریکا قوشمه ایالتلری تشقی ایشلر وزیری آنتونی بلینکن نینگ دعوتی گه بناً اوشبو اولکه گه سفر قیله دیگن لیگینی بیلدیرگن لیگی ایسله تیلماقده. 

حریت روزنامه سی, تورکیه جمهوریتی جمهوررئیسی نینگ اورینباسری جودت ییلماز نینگ, دنیا اولکه لری بیلن سالیشتیریلگنده تورکیه نینگ اقتصادی وضعیتی نینگ یخشی ایکن لیگینی بیلدیرگن لیگی گه دقت قره تماقده. 

خبرده, چیت ایللیک لرنینگ تورکیه ده ینگی سرمایه گذارلیک لر قیلیش نی آرزو قیلیاتگن لیگینی بیلدیرگن ییلماز نینگ, کیلگوسیده بونده ی وضعیت نی ینه ده کوپراق کوره میز" دییه قید ایتگن لیگی معلوم قیلینماقده. 

ستار روزنامه سی, هنگری تشقی ایشلر و تجارت وزیری پتر سیارتو نینگ, تورکیه نینگ آنتالیا شهریده بولیب اوتگن آنتالیا دیپلماسی ییغیلیشی بیلن علاقه لی بیرگن بیاناتیده, "بو غربی اروپا نینگ موجود بولمه گن بیر بیرلشگن ملتلر تشکیلاتی عمومی کینگشی کبی" دییه قید ایتگن لیگینی معلوم قیلماقده. 

خبرده, سیارتو نینگ, کوپلب اولکه لرنینگ نماینده لری نینگ اشتراک قیلگن آنتالیا دیپلماسی ییغیلیشی نینگ موثر بیر شکلده اوچره شوو لر بولیب اوتیشی اوچون شرایط تامین ایتیب بیرگن لیگینی معلوم قیلگن لیگی ایسله تیلماقده.