تورکیه مطبوعاتیدن خلاصه لر 14.02.2024

حریت روزنامه سی, تورکیه جمهوریتی جمهوررئیسی رجب طیب اردوغان نینگ, دبی ده بولیب اوتگن دنیا حکومت لر ییغیلیشیده قیلگن معروضه سیده, "اسرائیل نینگ, مستقل بیر فلسطین دولتی نینگ موجودیتی نی قبول قیلیشی کیره ک. فلسطینلیک قرداشلری میز نی هیچ قچان چاره سیز و یالغوز قویمه یمیز. تینچلیک اوچون گرنتی ایتووچی بولیش گه تیارمیز" دییه قید ایتگن لیگینی ایسلتماقده. 

ینی شفق روزنامه سی, 120 دن آرتیق سعودی عربستان شرکتی نینگ تورک شرکت لر بیلن تماس قوریش مقصدی بیلن استانبول گه کیلگن لیگینی بیلدیرماقده. 

خبرده, اوشبو شرکت لرنینگ انرژی, بانکچی لیک, مدافعه و هواچیلیک کبی کوپلب ساحه لرده سرمایه گذارلیک امکانیت لرینی قیدیره دیگن لیک لری ایسله تیلماقده. 

صباح روزنامه سی, جنوری آییده تورکیه نینگ زراعت محصولاتی بوییچه صادراتی نینگ ییللیق مقیاسده 9,3 فایز گه آشیب 3,1 میلیارد دالر گه ییتگن لیگینی یازماقده.

خبرده, جنوری آییده 772,3 میلیون دالرلیک زراعت محصولاتی صادراتی بیلن بیرینچی اوریننی ایگلله گن استانبول نینگ, تورکیه نینگ توپلم صادراتی نینگ 24,7 فایزی نی تشکیل ایتگن لیگی معلوم قیلینماقده. 

خبرتورک روزنامه سی, دنیا نینگ اینگ کوپ توریست کوتیب آلیاتگن شهر لری قطاریده اورین آلگن تورکیه نینگ استانبول شهری نینگ, میلادی 2023- ییلده 17 میلیون 370 مینگ 30 چیت ایللیک توریست نی کوتیب آلیب رکورد اورنتگن لیگی گه دقت قره تماقده. 

ستار روزنامه سی, انگلستان نینگ تلگراف روزنامه سی نینگ, انسان لرگه تورکیه گه توریستیک سفر قیلیش نی توصیه ایتگن لیگینی بیلدیرماقده. 

خبرده, روزنامه نینگ اوشبو خبریده, "اهمیتی کونساین آرتیب باریاتگن دنیا نینگ اوشبو گوشه سی, میلادی 2024- ییلده اسپانیا آرتیدن اینگ کوپ توریست کوتیب آلگن ایکّینچی اولکه دن عبارت فرانسه دن هم اوتیب کیته دی" دییه قید ایتگن لیگی بیلدیریلماقده.