تورکیه مطبوعاتیدن خلاصه لر 13.02.2024

حریت روزنامه سی, تورکیه جمهوریتی جمهوررئیسی رجب طیب اردوغان نینگ, توناون بولیب اوتگن کابینه ییغیلیشی آرتیدن بیرگن بیاناتیده, امریکا قوشمه ایالتلری بیلن اف 16 اوروش اوچاق لری گه تیگیشلی آلیب باریلیاتگن مذاکره لر حقیده گپیرگن لیگینی معلوم قیلماقده. 

خبرده, اردوغان نینگ بیرگن بیاناتیده, "طلبی میز نینگ مثبت نتیجه بیریشی دن خرسند بولماقده میز" دییه قید ایتگن لیگی ایسله تیلماقده. 

ستار روزنامه سی, تورکیه جمهوریتی تشقی ایشلر وزیرلیگی نینگ, "اسرائیل نینگ, حاضرگی کون گه قدر غزه گه قره ته ویرانگرچیلیک و قیرغین فعالیت لری آرتیدن, ایندی جنوبده گی رفح شهری گه قره شی کونساین آرتیب باریاتگن هجوملری سببلی جوده قیغولی میز.  اوشبو ایش نی, غزه خلقی نی اوز توپراق لریدن هیده ب یوباریش پلانی نینگ بیر بولگی اوله راق بهالنتیرماقده میز" دییه قید ایتگن لیگینی یازماقده. 

خبرتورک روزنامه سی, تورکیه نینگ ایلک فضانوردی دن عبارت آلپ ار گیزر آوجی نی کیلتیرگن اوچاق نینگ توناون انقره ده گی ایسن بوغه هوا قونلغه سی گه کیلیب قونگن لیگینی بیلدیرماقده. 

خبرده, گیزر آوجی نینگ, ترتیب له گن مطبوعات ییغینیده بیرگن بیاناتیده, "هیچ قچاق قینلمه دیم" دییه قید ایتگن لیگی معلوم قیلینماقده. 

روزنامه, کیین جمهوررئیس اردوغان نینگ, تورکیه نینگ ایلک فضانوردی بولگن آلپ ار گیزر آوجی نی قبول قیلگن لیگینی ایسلتماقده. 

وطن روزنامه سی, تورکیه جمهوریتی ترانسپورت و زیربنا وزیری عبدالقادر اورال اوغلی نینگ, تورکیه نینگ اوچووچیسیز اوچاق لری داخل برچه اوچووچیسیز هوا واسطه لری نینگ تورکسات ستلایت لری آرقه لی باشقریلیشی نینگ ممکن ایکن لیگینی بیلدیرگن لیگی گه دقت قره تماقده. 

صباح روزنامه سی, تورکیه جمهوریتی احصائیه اداره سی نینگ دسامبر آیی ایشسیزلیک میزانی نی اعلان قیلگن لیگینی بیلدیرماقده. 

خبرده, اوشبو دایره ده تورکیه ده میلادی 2023- ییل دسامبر آییده ایشسیزلیک میزانی نینگ 8,8 فایز گه توشگن لیگی ایسله تیلماقده.