تورکیه مطبوعاتیدن خلاصه لر 12.02.2024

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, میلادی 2023- ییل 6- فبروری کونی یوز بیرگن و مرکزی تورکیه نینگ قهرمان ماراش ولایتیدن عبارت بولگن زلزله لر آرتیدن منطقه نینگ قیته قوریلیشی بوییچه ایشلر نی جدل روشده آلیب باریاتگن لیکلرینی بیلدیرگن لیگینی ایسلتماقده. 

خبرده,  اردوغان نینگ, شهرلر نینگ قیته قوریلیشی بوییچه ایشلر نی ینه ده تیزلشتیره دیگن لیکلرینی بیلدیرگن لیگی معلوم قیلینماقده. 

حریت روزنامه سی, جمهوررئیس اردوغان نینگ, عدالت و رواجله نیش حزبی نینگ استانبول ولایتی بویوک چیکمه جه تومنی بلدیه باشلیغی کاندیدی گه قره ته کمپاین ایشلری جریانیده اویوشتیریلگن قوراللی هجوم گه عکس العمل کورستگن لیگینی یازماقده. 

خبرده, اردوغان نینگ, "تورکیه نینگ خوفسیزلیگی نینگ بوزیلیشی گه هیچ بیر شکلده اجازت بیرمه یمیز" دییه قید ایتگن لیگی گه دقت قره تیلماقده. 

ستار روزنامه سی, امریکا قوشمه ایالتلری مدافعه وزیرلیگی (پنتاگون) مسئول لری نینگ, تورکیه جمهوریتی مدافعه صنایع سی نی مقته گن لیگینی بیلدیرماقده. 

خبرده, مسئول لر نینگ, "تورکیه نینگ قوراللی اوچووچیسیز اوچاق لری بوییچه جوده موفقیتلی تکنالوژیک ینگیلیکلرینی قیزیقیش بیلن کوزه تماقده میز.  تورک قوراللی اوچووچیسیز اوچاق لر پیاده اوروش لری بوییچه یازیلگن دکترین لرنی اوزگرتیب قویدی" دییه قید ایتگن لیگی یازیلماقده. 

صباح روزنامه سی, تورکیه ده گی عالی بیلیم یورت لریده عیال اکادمسین لر سانی نینگ 46,4 فایز گه آشگن لیگینی معلوم قیلماقده. 

خبرده, اوشبو جهت دن آلیب قره گنده تورکیه نینگ 43 فایز عیال اکادمسین گه ایگه اروپا اقتصادی رواجله نیش و همکارلیک تشکیلاتی اولکه لریدن اوتیب کیتگن لیگی ایسله تیلماقده.