تورکیه مطبوعاتیدن خلاصه لر 07.02.2024

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, توناون تورکیه نینگ قهرمان ماراش ولایتیده بیر ییل آلدین یوز بیرگن زلزله آرتیدن قوریلگن اوی لرنینگ ایگه لری گه تاپشیریلیشی بوییچه مراسمده معروضه قیلگن لیگینی معلوم قیلماقده. 

خبرده, جمهوررئیس اردوغان نینگ, زلزله نینگ بیر ییللیگیده, "جوده آغیر قیش شرایطی بولگن دستلبکی کونلرده, فدارکارلیک قیلیب, فوق العاده بیر غیرت بیلن زلزله نینگ یوز بیرگن منطقه گه ییتیب کیلگن قهرمان لریمیز نینگ هیچ بیری نی ایسدن چیقرمه یمیز" دییه قید ایتگن لیگی ایسله تیلماقده. 

روزنامه, اوشبو مراسمده, 9 مینگ 289 اوی نینگ ایگه لری گه تاپشیریلگن لیگینی یازماقده. 

ستار روزنامه سی, تورکیه جمهوریتی تشقی ایشلر وزیری خاقان فیدان نینگ, تورکیه نینگ لیبیاده ینه بیر بار اوروش باشله نیشی گه طرفدار ایمس لیگینی بیلدیررایکن, "بنغازیده گی قونسلگرلیگی میزنی تکرار آچیش گه قرار قیلدیک, اینگ یقین کیله جکده آچه میز" دییه قید ایتگن لیگینی معلوم قیلماقده. 

وطن روزنامه سی, شرقی قاره دینگیز دن جون آییده قیلینگن تورک سالمون بلیغی صادراتی نینگ ییللیق مقیاسده 59 فایز گه آشیب 11 میلیون 240 مینگ 719 دالر گه ییتگن لیگینی ایسلتماقده. 

صباح روزنامه سی, تورکیه احصائیه اداره سی نینگ, تورکیه نینگ میلادی 2023- ییلده گی نفوسی بیلن علاقه لی معلومات بیرگن لیگینی یازماقده. 

خبرده, آلدینگی ییل بیلن سالیشتیریلگنده تورکیه نینگ نفوسی نینگ 92 مینگ 824 کیشی کوپه ییب, 85 میلیون 372 مینگ 377 نفر گه ییتگن لیگی ایسله تیلماقده. 

حریت روزنامه سی, امریکا نینگ مالی ایشلر بوییچه شرکتی دن عبارت فیچ ریتینگیز نینگ, جاری ییلده تورکیه داخل ایندی رواجله نیاتگن اینگ کتته 9 اولکه گه سرمایه کیلیشی جریانی نینگ, سونگّی 10 ییل نینگ اینگ یوقاری سویه سی گه چیقیب 200 میلیارد دالر گه کوتریلیب کیته دیگن لیگینی بیلدیرگن لیگی گه دقت قره تماقده.