تورکیه مطبوعاتیدن خلاصه لر 06.02.2024

حریت روزنامه سی, تورکیه نینگ قوراللی اوچووچیسیز اوچاق لری برنامه سی و خلق ارا بازاری نینگ دقت لرنی اوزی گه تارتیاتگن لیگینی بیلدیرماقده. 

خبرده, تورکیه جمهوریتی تشقی ایشلر وزیری خاقان فیدان نینگ, مصر نینگ تورکیه دن قوراللی اوچووچیسیز اوچاق آلیشی نینگ کون ترتیبیده ایکن لیگینی بیلدیرگن لیگی ایسله تیلماقده. 

روزنامه, اورته شرق مطبوعاتی نینگ, "تورک قوراللی اوچووچیسیز اوچاق لر گه قیزیقیش خلق ارا مقیاسده آرتیب بارماقده" دیگن لیگینی یازماقده. 

ستار روزنامه سی, سعودی عربستان پایتختی ریاضده گی World Defense Show کورگزمه سی گه تورک مدافعه صنایع سی نینگ 63 شرکت بیلن اشتراک قیلیاتگن لیگی گه دقت قره تماقده.

خبرده, اوشبو کورگزمه ده پیاده, دینگیز و هوا مدافعه سی بوییچه سونگّی تکنالوژیک محصولات نینگ نمایش ایتیلیاتگن لیگی معلوم قیلینماقده. 

وطن روزنامه سی, اقتصادی رواجله نیش و همکارلیک تشکیلاتی نینگ تورکیه نینگ میلادی 2024- ییل اوچون اقتصاد بوییچه کوچی نینگ آرتیب کیتیش تخمینی نی 2,7 دن 2,9 فایز گه آرتیرگن لیگینی یازماقده. 

خبرده, میلادی 2025- ییل اوچون هم تورکیه بوییچه تخمین نینگ 3,1 فایز اوله راق بیلدیریلگن لیگی ایسله تیلماقده. 

صباح روزنامه سی, تورکیه جمهوریتی ترانسپورت و زیربنا وزیری عبدالقادر اورال اوغلی نینگ, تورک سرمایه دارلرنینگ جیبوتی ده 21 پروژه ده 205 میلیون دالرلیک سرمایه گذارلیک قیلگن لیک لرینی بیلدیرگن لیگینی ایسلتماقده. 

خبرده, اورال اوغلی نینگ, "تورکیه میلادی 2053- ییل گه قدر ترانسپورت پروژه لری گه ینه 197 میلیارد دالرلیک سرمایه گذارلیک قیلیش نی ریجه له ماقده" دییه قید ایتگن لیگی معلوم قیلینماقده. 

ینی شفق روزنامه سی, 8- فبروریده استانبولده, 8- خلق ارا یاش سرمایه دارلر کنگره سی نینگ بولیب اوته دیگن لیگینی بیلدیرماقده.