تورکیه نینگ مطبوعات خلاصه لری

خبرتورک گزیته سی: " فیدان: مونترو کیلیشووی منطقه نینگ خوفسیزلیگی اوچون ضامن وظیفه سی کوریش گه دوام ایتماقده" سرلوحه سی بیلن خبر بیردی.

گزیته رومانیاده توناون کونی دیپلوماتیک اوچره شوولر اوتکزگن تشقی ایشلر وزیری خاقان فیدان نینگ مونترو تنگیلر کیلیشووی نینگ طرفسیز بیر شکلده عملی قیلینیشی نینگ تورکیه تامانیدن آلیب باریلگن لیگینی معلوم قیلیب "مونترو کیلیشووی منطقه نینگ خوفسیزلیگی اوچون ضامن وظیفه سی کوریش گه دوام ایتماقده" دیگن لیگینی یازماقده.       

ستار گزیته سی: " آلتون دی پرس اوچون یازدی: بوگونگی تورکیه گلوبال مقیاسده اویین قورووچی" سرلوحه سی بیلن خبر بیردی.

گزیته اتریش نینگ دی پرس گزیته سیگه مقاله یازگن جمهور رئیسلیک علاقه باشقرمه سی باشلیغی فخرالدین آلتون نینگ بوگونگی تورکیه نینگ فقط اوز چیگره سیده ایمس، منطقوی و گلوبال مقیاسده قرار بیرووچی، اوزیگه قرشی ایجاد ایتیله دیگن اویینلرنی بوزووچی و معمالرنینگ، بحرانلرنینگ ییچیمده اکتیف رول آلگن بیر اولکه ایکن لیگینی بیلدیرگن لیگینی یازماقده.

حریت گزیته سی: " ترانسپورت و آست قوریش وزیری عبدالقادر اورال اوغلی اوکراین نینگ بوتونگی و خوفسیزلیگی بیز اوچون جوده مهم " سرلوحه سی بیلن خبر بیردی.

گزیته ترانسپورت و آست قوریش وزیری عبدالقادر اورال اوغلی توناون کونی استانبول ده اویوشتیریلگن اوکراین نینگ قیته قوریلیشی پروگرامیده قیلگن صحبتیده "اوکراین نینگ بوتونگی و خوفسیزلیگی بیز اوچون جوده مهم. جمهور باشلیغیمیز بو خصوصده انیق اراده بیلدیردی. انشالله قیسقه مدت ایچیده او جایده تینچلیک و اوکراین نینگ بوتونلیگی تامین ایتیله دی" دیگن لیگینی یازماقده.

صباح گزیته سی: " توریزم و مدنیت وزیری محمد نوری ایرسوی اعلان قیلدی" سرلوحه سی بیلن خبر بیردی.

گزیته توریزم و مدنیت وزیری محمد نوری ایرسوی توناون کونی بیرگن بیاناتده "56.7 میلیون سیاح، کیشی باشی کیچه لیک 99 دالر عاید و 54.3 میلیارد دالر توپلم عاید بیلن 2023 ییلی توریزمده ریکورد اورنه تیلدی. 2024 هدفیمیزگه هم خوددی شو شکلده دوام ایته میز " دیگن لیگینی یازماقده.

وطن گزیته سی: " استانبول هوا قونلغه سی بیرینچی بولدی" سرلوحه سی بیلن خبر بیردی.

گزیته استانبول هوا قونلغه سی اوروپا هوا سیر و سفر خوفسیزلیگی تشکیلاتی نینگ راپوریگه 15-21 جنوری تاریخلری آره سیده کونده لیک اورته چه 1 مینگ 301 اوچیش بیلن اروپاده اینگ گاوجوم قونلغه بولگن لیگینی یازماقده.