تورکیه مطبوعاتیدن خلاصه لر 30.01.2024

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, استانبول هوا قونلغه سی متروسی کاغذخانه- غیرت تپه بولیمی نینگ آچیلیشی مراسمیده قیلگن معروضه سیده, "مترو خطی نینگ دستلبکی پروژه سیدن باشلب تطبیق ایتیلیشی گه قدر بولگن برچه بولیم لری نینگ تورک انجنیرلیک و دیزاینی میز بیلن عملی بولگن لیگی اوچون خرسند میز.  برچه پروژه لرده تورک پروژه لر نینگ حصه سی نینگ آرتیریلیشی گه کتته اهمیت بیره میز" دییه قید ایتگن لیگینی بیلدیرماقده. 

ستار روزنامه سی, تورکیه جمهوریتی تشقی ایشلر وزیری خاقان فیدان نینگ, غزه ده دوام ایتیاتگن تراژیدی گه دقت قره تیب, "مینگلب کیشی بمباردمان نتیجه سیده حیاتینی یوقاترایکن, ایندی ایسه غزه ده اسرائیل تامانیدن اوره ب آلینگن میلیونلب فلسطینلیک آچگرچیلیک و یوقیملی کسللیک لر سببلی حیاتینی یوقاتیش خطری گه دوچ کیلیب قالگن وضعیتده.  غزه گه بشری و طبی یاردم لرنینگ آلیب باریلیشی گه اجازت بیریلمس لیگی ایچکریده کتته بیر فلاکت دن خبر بیرماقده" دییه قید ایتگن لیگینی یازماقده.

حریت روزنامه سی, تورکیه جمهوریتی انرژی و طبیعی منبع لر وزیری آلپ ارسلان بیرقدار نینگ, فیلویوس طبیعی گاز تصفیه مرکزی نی کوریب چیقرایکن, "تولیدی میز 2,7 میلیون متر مکعب گه ییتگن وضعیتده.  اینگ یقین کیله جکده اوشبو تولید میزانی نی 10 میلیون متر مکعب و کیین ایسه 40 میلیون متر مکعب گه ییتکزیش نی هدف قیلیب آلماقده میز" دییه قید ایتگن لیگینی ایسلتماقده. 

صباح روزنامه سی, تورکسات ستلایت لریدن فایده له نیاتگن چیت ایللرده گی کانال لر سانی نینگ 3 ییل مابینیده تقریباً 69 فایز گه آشیب 83 دن 140 گه ییترایکن, میلادی 2023- ییل نینگ سونگّی دن باشلب توپلم کانال سانی نینگ 523 گه ییتگن لیگینی یازماقده. 

خبرتورک روزنامه سی, امریکا قوشمه ایالتلری نینگ توریزم شرکتی دن عبارت Lonely Planet نینگ دنیا نینگ اینگ یخشی قیرغاق لری لیستی نی تیارله گن لیگینی معلوم قیلماقده. 

خبرده, اوشبو لیستده تورکیه نینگ موغلا ولایتی فتحیه تومنیده جایلشگن بیر قیرغاق نینگ هم اورین آلگن لیگی ایسله تیلماقده.