تورکیه مطبوعاتیدن خلاصه لر 10.01.2024

حریت روزنامه سی, تورکیه جمهوریتی تشقی ایشلر وزیری خاقان فیدان نینگ, توناون, قیرغزستان تشقی ایشلر وزیری جینبیک قولوبایف بیلن اوچره شگن لیگینی بیلدیرماقده. 

خبرده, اوچره شووده, ایکله اولکه اورته سیده گی مناسبت لردن تشقری, منطقه و خلق ارا مقیاسده گی ینگیلیک لر باره سیده هم فکر المه شیلگن لیگی ایسله تیلماقده. 

روزنامه, فیدان نینگ قولوبایف بیلن ترتیب له گن اورتاق مطبوعات ییغینیده بیرگن بیاناتیده, غرب نینگ غزه ده گی قیرغین لرنی حمایت قیلیاتگن لیگی نینگ دنیا خوفسیزلیگی گه منفی تاثیر قالدیریاتگن لیگینی بیلدیرگن لیگینی یازماقده. 

صباح روزنامه سی, تورکیه جمهوریتی ایچکی ایشلر وزیری علی ییرلی قایه نینگ, توناون تروریزم گه قرشی کوره ش بوییچه مهم بیانات بیررایکن, "تروریزم نینگ استثمار ساحه لری ایندی اولکه میزده حتی بحث موضوعی هم ایمس.  دولتی میز بیلن ملتی میز بیر یقه دن باش چیقرماقده.  ترورچی لرنی مرکزیده یوق قیلماقده میز.  هدفی میز سونگّی ترورچی یوق بولگونگه قدر تروریزم گه قرشی کوره شی میزنی دوام ایتدیریش دن عبارت" دییه قید ایتگن لیگی گه دقت قره تماقده. 

خبرتورک روزنامه سی, میلادی 2023- ییلده تورکیه نینگ آنتالیا شهری گه 16 میلیون 84 مینگ 737 چیت ایللیک توریست نینگ کیلگن لیگینی بیلدیررایکن, اوشبو توریست لرنینگ 395 مینگ نفری نینگ ترانزیت توریست لردن عبارت ایکن لیکلرینی معلوم قیلماقده. 

خبرده, آنتالیا نینگ توریزم تاریخیده ایلک مراتبه 16 میلیون دن آرتیق توریست نی کوتیب آلگن لیگی بیلدیریلماقده. 

وطن روزنامه سی, میلادی 2023- ییلده تورکیه نینگ 70 مینگ 869 تن اوریک صادر قیلیب 408 میلیون 74 مینگ دالر عایدات قولگه کیریتگن لیگینی بیلدیرماقده. 

ستار روزنامه سی, تورکیه ده ایشلب چیقریلگن توگ ناملی موتر نینگ ینگی مُدلی نینگ امریکا قوشمه ایالتلری نینگ لاس ویگاس شهریده باشله گن دنیا نینگ اینگ کتته CES 2024 کورگزمه سیده اورین آلگن لیگینی یازماقده. 

خبرده, اوشبو کورگزمه ده توگ نینگ T10F مُدلی نینگ نمایش ایتیلیاتگن لیگی بیلدیریلماقده.