تورکیه مطبوعاتیدن خلاصه لر 09.01.2024

ستار روزنامه سی, 3 الی 4 هفته دن بیری قیزیل دینگیز دن اوتیش بوییچه معما نینگ موجود ایکن لیگینی بیلدیرماقده. 

خبرده, اروپا نینگ لوژستیک و تدارکات بوییچه قیینچیلیک لر سببلی تورکیه دن واردات قیلیش نی ترجیح ایته باشله گن لیگی ایسله تیلماقده. 

روزنامه, تورکیه جمهوریتی تجارت وزیری عمر بولات نینگ, "کیفیتلی تورک ماللرینی ایکی کونده اروپا بازار لری گه ییتکزیب بیریشی میز ممکن" دییه قید ایتگن لیگینی معلوم قیلماقده. 

حریت روزنامه سی, تجارت وزیری عمر بولات نینگ, میلادی 2023- ییلده دنیا ده تجارت میزانی تقریباً 5 فایز پسه ییب کیترایکن, تورکیه نینگ صادراتی نی آرتیریب 255,8 میلیارد دالرلیک صادرات قیلگن لیگینی بیلدیرگن لیگینی یازماقده. 

خبرده, بولات نینگ, "میلادی 2023- ییلده اقتصادی کوچی میز 4,7 فایز گه آشدی" دییه قید ایتگن لیگی بیلدیریلماقده. 

صباح روزنامه سی, تورک هوا یوللری شرکتی نینگ میلادی 2023- ییلده 83,4 میلیون یولاوچی انتقال ایتدیریب یولاوچی سانی جهتی دن اینگ یوقاری سویه گه کوتریلگن لیگینی بیلدیرماقده. 

خبرده, میلادی 2022- ییل بیلن سالیشتیریلگنده تورک هوا یوللری نینگ یولاوچی سانی نی میلادی 2023- ییلده 16,1 فایز گه آرتیرگن لیگی معلوم قیلینماقده. 

خبرتورک روزنامه سی, تورکیه جمهوریتی انرژی و طبیعی منبع لر وزیری آلپ ارسلان بیرقدار نینگ, میلادی 2030- ییل گه قدر 20 میلیارد دالرلیک سرمایه گذارلیک قیلیش لری نینگ ممکن ایکن لیگینی بیلدیرگن لیگینی یازماقده. 

ینی شفق روزنامه سی, تورکیه جمهوریتی مرکز بانکی بیرینچی "سرمایه گذارلر کونی" ییغیلیشی نینگ 11- جنوریده نیویورکده بولیب اوته دیگن لیگینی بیلدیرماقده. 

خبرده, تورکیه جمهوریتی مرکز بانکی نینگ باشلیغی حفیظه غایه ارکان نینگ, 50 تریلیون دالرگه یقین سرمایه سی بولگن سرمایه گذارلیک فوند لری دن 200 دن آرتیق یوقاری مرتبه لی نماینده نینگ اوشبو ییغیلیشده اشتراک قیله دیگن لیگینی بیلدیرگن لیگی معلوم قیلینماقده.