تورکیه مطبوعاتیدن خلاصه لر 08.01.2024
تورکیه مطبوعاتیده باسیلیب چیققن خبرلرنینگ خلاصه لری
حریت روزنامه سی, تورکیه جمهوریتی جمهوررئیسی رجب طیب اردوغان نینگ, امریکا قوشمه ایالتلری تشقی ایشلر وزیری آنتونی بلینکن بیلن اوچره شگن لیگینی بیلدیرماقده.
خبرده, استانبولده بولیب اوتگن اوشبو اوچره شوو نینگ دنیاده کینگ عکس ایتگن لیگی ایسله تیلماقده.
روزنامه, کوپلب روزنامه لرنینگ صفحه لرینی اوشبو خبر گه اجره ترایکن, بلومبرگ نینگ, واشنگتن نینگ, اوروش نینگ اداققه ییتیشیشی آرتیدن غزه نی قنده ی قیلیب باشقره دیگن لیگی بیلن علاقه لی پلان لر اوچون انقره نینگ حمایتی نی طلب ایتگن لیگینی یازگن لیگی گه دقت قره تماقده.
صباح روزنامه سی, تورکیه ده ایشلب چیقاریلگن ایلک قوراللی اوچووچیسیز اوچاق دن عبارت SONGAR نینگ ینه بیر موفقیت قولگه کیریتگن لیگینی یازماقده.
خبرده, اوشبو قوراللی اوچووچیسیز اوچاق نینگ تست دن موفقیت بیلن اوتگن لیگی ایسله تیلماقده.
ستار روزنامه سی, تورکیه نینگ غازی انتیب اواکوی منطقه سیدن عراق نینگ بصره منطقه سی گه دوام ایته دیگن رواجله نیش پروژه سی بیلن علاقه لی بیانات بیرگن تورکیه جمهوریتی ترانسپورت و زیربنا وزیری عبدالقادر اورال اوغلی نینگ, "رواجله نیش یولی دهلیزی نی, عراق بیلن بیرگه عملگه آشیره میز. بیرلشگن عرب امیرلیک لری و قطر نینگ هم اوشبو پروسه گه قوشیله دیگن لیگی کورینماقده" دییه قید ایتگن لیگینی معلوم قیلماقده.
خبرتورک روزنامه سی, تورکیه غله, حبوبات, یاغلی اوسیملیک لر و محصولاتی سکتوری نینگ, میلادی 2023- ییلده 213 اولکه و ایرکین تجارت منطقه سی گه 12 میلیارد 380 میلیون 538 مینگ دالرلیک صادرات قیلگن لیگینی ایسلتماقده.
