تورکیه نینگ مطبوعات خلاصه لری

حریت گزیته سی: " عراق و سوریه نینگ شمالیده سونگگی بیر هفته ایچیده 36 ته تروریست جنگری تاثیرسیز وضعیت گه کیلتیریلدی" سرلوحه سی بیلن خبر بیردی.

گزیته تروریزم گه قرشی کوره ش بوییچه پیام بیرگن ملی مدافعه وزیرلیگی "تروریست جنگریلر اوز عاقبتلریدن قاچالمه یدیلر، عراق و سوریه نینگ شمالیده سونگگی بیر هفته ایچیده 36 ته تروریست جنگری تاثیرسیز وضعیت گه کیلتیریلدی" دیگن لیگینی یازماقده.   

ستار گزیته سی: "میت 200 کیلومتر اوزاقلیکده اوردی" سرلوحه سی بیلن خبر بیردی.

گزیته ملی استخبارات تشکیلاتی میت تورکیه گه قره ته ترورچیلیک ریجه له گن لیگینی تثبیت ایتگن پ ک ک/ک ج ک منسوبی تروریست جنگری صادق شیخ احمدنی تورکیه چیگره سیگه 200 کیلومتر اوزاقده جایلشگن عراق نینگ سلیمانیه ولایتیده تاثیرسیز وضعیت گه کیلتیردی. دیب یازماقده.

صباح گزیته سی: " اورال اوغلی بیلدیردی: یولاوچی ظرفیتی 82 میلیون گه چیقه دی" سرلوحه سی بیلن خبر بیردی.

گزیته ترانسپورت و آست قوریش وزیری عبدالقدیر اورال اوغلی انتالیانینگ دنیا مقیاسیده اونیملی توریزم مرکزلریدن بیرته سی ایکن لیگی گه دقت تارتیب انتالیا قونلغه سی کینگه یتیریش پروژه سی دایره سیده یولاوچی ظرفیتی نینگ 35 میلیوندن 82 میلیون گه ییتکیزیش نی مقصد قیلیب آلگن لیکلرینی ایتگن لیگینی یازماقده.

وطن گزیته سی: " کپدوکیاده 4 میلیون 826 مینگ بیلن سیاح ریکوردی اورنه تیلدی" سرلوحه سی بیلن خبر بیردی.

گزیته تورکیه نینگ مهم توریزم مرکزلریدن کپدوکیا منطقه سیده 2023 ییلیده 4 میلیون 826 مینگ 622 ته محلی و خارجی سیاح بیلن ریکورد اورنه تیلدی " دیب یازماقده.       

خبرتورک گزیته سی: " آلپ ایرن شنگون طوفان قیلماقده" سرلوحه سی بیلن خبر بیردی.

گزیته NBA ده هوستون روکیتس ده اوینه گن ملی باسکیتبالچی آلپ ایرن شنگون یوتوقلی اویینی بیلن مطرح بولیش گه دوام ایتماقده. بو فصلده توپلم 32 اوچره شووده اورین آلگن یاش – ییگیت تیمیده بیرینچی اورینده توررکن NBA ده انچه یولدوزنی آرتده قالدیردی دیب یازماقده.