تورکیه نینگ مطبوعات خلاصه لری

وطن گزیته سی: " جمهور باشلیغی ایردوغان: 36 ساعت ایچیده 54 ته تروریست یوق قیلیندی" سرلوحه سی بیلن خبر بیردی.

گزیته جمهور باشلیغی رجب طیب ایردوغان نینگ تیناون کونی بیرگن بیاناتده تروریزم گه قرشی کوره ش موضوعی تماس قیلیب "تورکیه نینگ کوچه یشی گه توسیق بولیش نی مقصد قیلیب آلگن منفور ترورچیلیک هجوملری نینگ مقدس یولچی لیگییمیزگه اصلا توسیق بوله آلمه یدیلر.  36 ساعت ایچیده 54 ته تروریست یوق قیلیندی. شهیدلریمیزنینگ انتقامینی آله میز." دیگن لیگینی یازماقده.   

صباح گزیته سی: "تشقی ایشلر وزیری خاقان فیدان امریکا قوشمه ایالتلری تشقی ایشلری بیلن سوزلشدی" سرلوحه سی بیلن خبر بیردی.

گزیته تشقی ایشلر وزیری خاقان فیدان امریکا قوشمه ایالتلری تشقی ایشلری انتونی بلینکن بیلن تیلفون آرقه لی سوزلشدی. سویدن نینگ اعضالیگی بیلن تیگیشلی جریان نینگ تورکیه بویوک ملت مجلسیده دوام ایتیب تورگن لیگینی معلوم قیلگن فیدان ف-16 ساتیشی بیلن تیگیشلی اوله راق امریکا قوشمه ایالتلری باشقرووی و امریکا قوشمه ایالتلری کنگره سی نینگ متفقلیک روحیه سیگه مناسب شکلده حرکت ایتیشی و بیریلگن تعهدلرنینگ بجا کیلتیریلیشی کیره ک لیگینی افاده ایتدی  دیب یازماقده.

حریت گزیته سی: " ملی مدافعه وزیری یشر گولر: 59 ته تروریست جنگری تاثیرسیز وضعیت گه کیلتیریلدی" سرلوحه سی بیلن خبر بیردی.

گزیته ملی مدافعه وزیری یشر گولرنینگ تیناون کونی عراق و سوریه نینگ شمالیده آلیب باریلگن عملیات بیلن 59 ته تروریست جنگری تاثیرسیز وضعیت گه کیلتیریلدی دیب ایتگن لیگینی یازماقده.       

ستار گزیته سی:" روسیه دن تورکیه بیلن تیگیشلی بیانات بیریلدی" سرلوحه سی بیلن خبر بیردی.

گزیته روسیه باش وزیر اورینباسری الکسندر نواک نینگ تورکیه ده طبیعی گاز مرکزی قورولیشی گه تیگیشلی پروژه ده یول خریطه سی نینگ یقین پیتده تصدیقلنیشینی معلوم قیلیب "پروژه نینگ 2024 ییلیده عملی بوله جگینی امید قیله میز" دیگن لیگینی یازماقده.   

خبرتورک گزیته سی: " فاتح تریم: قهرمان بولیش اوچون کیلدیم" سرلوحه سی بیلن خبر بیردی.

گزیته یونان سوپر فوتبال لیگی جماعه لریدن پناتیناکوس بیلن کیلیشیب آلگن تورک مربی فاتح تریم آتن ده بیرگن بیاناتده مین بیلگنیمچه پیناتیناکوس اوزاق مدتدن بیر قهرمان بوله آلمه یدی. مین هم بو جایگه پناتیناکوس نی قهرمان قیلیش اوچون کیلدیم. استعدادلی بعضی بیر فوتبالچیلریمیز بارلیگینی اویله یمن. بیراق اولرنینگ ظرفیتینی یوقاریگه کوتریش نیتیده من. دیگن لیگینی یازماقده.