تورکیه مطبوعاتیدن خلاصه لر 25.12.2023

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, عراق نینگ شمالیده پنجه- قفل عملیاتی منطقه سیده گی توقنه شووده شهید بولگن تورک حربی لر اوچون قیغوداشلیک پیامی ترقه تگن لیگینی معلوم قیلماقده. 

خبرده, اردوغان نینگ اجتماعی ترماق آرقه لی ترقه تگن اوشبو پیامیده, "بولووچی جیرکنچ لردن قان توککن لری اوچون جدی بیر شکلده انتقام آلیندی و آلینماقده.  تروریزم نی منبعی ده یوق قیلیش ستراتیژی میز نی اینگ سونگّی ترورچی یوق قیلینگونگه قدر دوام ایتدیریش بوییچه قرارلی میز" دییه قید ایتگن لیگی ایسله تیلماقده. 

حریت روزنامه سی, تورکیه جمهوریتی استخباراتی نینگ, بولووچی ترور تشکیلاتی پ.ک.ک/وای پی جی نینگ سوزده عین العرب مسئولی بیر نفر ترورچی نی سوریه ده یوق قیلگن لیگینی یازماقده. 

صباح روزنامه سی, تورکیه جمهوریتی ملی مدافعه وزیری یاشر گولر نینگ, تورکیه نینگ عراق چیگره سی گه بارگن لیگینی بیلدیرماقده. 

خبرده, گولر نینگ, خوددی شوو ییر نینگ اوزیده بیرگن بیاناتیده, پنجه- قفل عملیاتی منطقه سیده گی هجوملر آرتیدن یوق قیلینگن ترورچیلر سانی نینگ 30 نفر گه ییتگن لیگینی بیلدیرگن لیگی معلوم قیلینماقده. 

ستار روزنامه سی, تورکیه جمهوریتی ایچکی ایشلر وزیری علی ییرلی قایه نینگ, بولووچی ترور تشکیلاتی منسوبی ترورچی لرنینگ چیککه حدود لرده قیش آی لریده هجوم اویوشتیریش اوچون مغاره لر گه یاشیرگن فرقلی سلاح, مهمات و پارتلاوچی ماده لرنینگ خنثی قیلینیشی بیلن علاقه لی "قهرمانلر – 35" ناملی عملیاتلرده 10 ولایتده 58 مغاره نینگ یوق قیلینگن لیگینی بیلدیرگن لیگینی یازماقده. 

وطن روزنامه سی, اروپا هوایی سفر خوفسیزلیگی تشکیلاتی نینگ اروپا هواچیلیک راپوری گه کوره, استانبول هوا قونلغه سی نینگ, 4- و 10- دسامبر کونلریده کونده لیک اورته چه 1296 اوچیش بیلن اروپا نینگ اینگ مزدحم هوا قونلغه سی بولگن لیگینی ایسلتماقده.