تورکیه مطبوعاتیدن خلاصه لر 19.12.2023

صباح روزنامه سی, تورکیه جمهوریتی جمهوررئیسی رجب طیب اردوغان نینگ, خلق ارا جامعه نینگ, اسرائیل گه توغری پیام بیریلیشی و قیرغین لرنینگ اداققه ییتیشتیریلیشی بوییچه اساسی بیر مسئولیت گه ایگه ایکن لیگینی بیلدیرگن لیگینی یازماقده. 

خبرده, اردوغان نینگ, " تورکیه اوله راق عاجل آتشکیسین نینگ اورنه تیلیشی و اوروش لرنینگ توخته تیلیشی اوچون ایلک کوندن بیری جدی بیر شکلده دیپلماتیک فعالیت یوریتماقده میز" دییه قید ایتگن لیگی گه دقت قره تیلماقده.

حریت روزنامه سی, جمهوررئیس اردوغان نینگ, هنگریده ایریم اوچره شوو لر اوتکزگن لیگینی معلوم قیلماقده. 

خبرده, جمهوررئیس اردوغان بیلن هنگری باش وزیری ویکتور اوربان اورته سیده بولیب اوتگن اوچره شووده ایکله اولکه اورته سیده گی همکارلیک نینگ ینه ده کوچه یتیریلیشی بوییچه تشله نیشی ممکن بولگن قدم لر حقیده سوز یوریتیلگن لیگی ایسله تیلماقده. 

ینی شفق روزنامه سی, جمهوررئیس اردوغان نینگ, هنگری باش وزیری ویکتور اوربان بیلن اورتاق مطبوعاتی کنفرانس ترتیب له گن لیگینی یازماقده. 

خبرده, اوشبو مطبوعاتی کنفرانسده اوربان نینگ, "کیلگوسی عصر اوچون جوده کتته بیر پروژه نی مطرح قیلدینگیز.  کیلگوسی عصر سیزنینگ عصرینگیز بوله دی.  بونگه ایشاندیک, کیلیشوو لر امضاله دیک" دییه قید ایتگن لیگی بیلدیریلماقده. 

ستار روزنامه سی, تورکیه جمهوریتی انرژی و طبیعی منبع لر وزیری آلپ ارسلان بیرقدار نینگ, تورکیه بیلن هنگری نینگ هسته ای انرژی ساحه سی, ییر نینگ تگیده گی طبیعی گاز منبع لری و سویوقلشتیریلگن طبیعی گاز ترمینال لری بوییچه اوز ارا همکارلیک قیله دیگن لیگینی بیلدیرگن لیگینی ایسلتماقده. 

خبرده, بیرقدار نینگ, "هسته ای انرژی ساحه سی بوییچه همکارلیک کیلیشووی امضاله دیک" دییه قید ایتگن لیگی معلوم قیلینماقده.