تورکیه مطبوعاتیدن خلاصه لر 11.12.2023

حریت روزنامه سی, تورکیه جمهوریتی جمهوررئیسی رجب طیب اردوغان نینگ آلتی ییل کیین یونان گه قیلگن سفری نینگ, اوشبو اولکه نینگ مطبوعاتیده کینگ اورین ایگلله گن لیگینی معلوم قیلماقده. 

خبرده, یونان مطبوعاتیده تورکیه بیلن یونان اورته سیده گی مناسبت لر بوییچه ایجابی ینگلیک لر نینگ یوز بیریاتگن لیگی نینگ بیلدیریلگن لیگی ایسله تیلماقده. 

ستار روزنامه سی, تورکیه بیلن یونان سرمایه گذارلیک دفتر لری نینگ امضالنگن کیلیشوو آرقه لی, ایکله اولکه اورته سیده گی ایکّی تامانلمه سرمایه گذارلیک لرنینگ آرتیریلیشی اوچون ایش آلیب باره دیگن لیگینی یازماقده. 

خبرده, اوشبو کیلیشوو دایره سیده یونان بیلن تورکیه اورته سیده سرمایه گذارلیک بوییچه بیواسطه همکارلیک نینگ باشله گن لیگی معلوم قیلینماقده.

صباح روزنامه سی, ترورچی دولت اسرائیل نینگ, عیاللر, باله لر, قری لر و کسللر نی اولدیرگن لیگینی بیلدیرماقده. 

خبرده, انسان لرنی قیرغین قیلگن اسرائیل گه قرشی, 10- دسامبر انسان حق لری کونی مناسبتی بیلن تورکیه نینگ استانبول شهریده فلسطین خلقی نی حمایت قیلیش اوچون نمایش اوتکزیلگن لیگی بیلدیریلماقده. 

روزنامه, نمایش گه اشتراک قیلگن کیشی لرنینگ "قاتل اسرائیل" دییه شعار بیرگن لیک لری گه دقت قره تماقده. 

ینی شفق روزنامه سی, دنیا نینگ فرقلی منطقه لریده گی صنعتچی لر, یازوچی لر و ژورنالیست لرنینگ, اسرائیل نینگ غزه ده قیلیاتگن قیرغین لری نی اوز ساحه لری بوییچه اثر لری آرقه لی یاریتیب بیره دیگن لیگینی یازماقده. 

خبرده, 30- دسامبر گه قدر استانبولده گی رامی کتابخانه سیده توپله نه دیگن اثر لرنینگ, ویب سایتی آرقه لی هم ترقه تیله دیگن لیگی بیلدیریلماقده. 

خبرتورک روزنامه سی, تورکیه نینگ 1915 چنق قلعه کوپریگی پروژه سی نینگ, امریکا قوشمه ایالتلریده گی ENR یعنی Engineering News Record تامانیدن "ییل نینگ پروژه سی" ایتیب سیلنگن لیگینی ایسلتماقده.