تورکیه نینگ مطبوعات خلاصه لری

خبرتورک گزیته سی: " ایردوغان: ناتانیاهو برچه منطقه نینگ خوفسیزلیگینی خطرگه تشله ماقده " سرلوحه سی بیلن خبر بیردی.

گزیته جمهور باشلیغی رجب طیب ایردوغان نینگ قطرنینگ پایتختی دوحه ده اویوشتیریلگن کورفز همکارلیک کینگشی جلسه سیده قیگن صحبتده اسرائیل باش وزیری بنیامین ناتانیاهو باشقرووی نینگ سیاسی عمرینی اوزه یتیریش اوچون برچه منطقه نینگ خوفسیزلیگینی خطرگه تشله گن لیگینی ایتگن لیگینی یازماقده.   

حریت گزیته سی: " ایردوغان: اسرائیل قول اورگن جرملر جزاسیز قالمه یشی کیره ک" سرلوحه سی بیلن خبر بیردی.

گزیته جمهور باشلیغی ایردوغان نینگ قطرده قیلگن صحبتده "غزه ده یوزبیرگنلر انسانلیک جرمی دیر. اسرائیل قول اورگن جرملر جزاسیز قالمه یشی کیره ک. فلسطین دولتی نینگ قورولیشی نینگ اهمیتی ینه بیر مرته کوریلدی. شونده ی بولیب ضامنلیک قاله ویرسه منطقه اولکه لری بیلن بیرگه لیکده مسؤلیت آلیش گه تیارمیز" دیگن لیگینی یازماقده.       

وطن گزیته سی:" تورکیه نینگ عنعنوی زیتون ییتیشتیرووچیلیگی یونسکوگه کیریتیلدی " سرلوحه سی بیلن خبر بیردی.

گزیته مدنیت و توریزم وزیری محمد نوری ایرسوی تورکیه نینگ عنعنوی زیتون ییتیشتیرووچیلیگی نینگ یونسکو عاجل قوریقلش کیره ک بولگن انیق بولمه گن مدنیت میراث رویخطی" گه کیریتیلگن لیگینی بیلدیرگن لیگینی یازماقده.   

یینی شفق گزیته سی: " تورکیه دن نفت بوییچه حمله " سرلوحه سی بیلن خبر بیردی.

گزیته تورکیه 66 گه ییتگن اکتیف نفت قیدیروو قلعه سی بیلن اروپاده قیدیروو فعالیتلری اینگ کوپ بولگن اولکه وضعیتی گه کیلدی. نفت سکتوریده جاری ییلده 33 ته سی وطنی 10 ته سی چیت ایللیک سرمایه کیریتووچی 43 شرکت قیدیروو و تولید فعالیتی گه دوام ایتماقده. جاری ییلده 195 ته قدوق قازیلیب توپلم 418 مینگ متر مربع بورغو.لش عملگه آشیریلگن لیگینی یازماقده.

ستار گزیته سی:" توگ امریکانینگ تیسلاسینی اوتیب کیتدی " سرلوحه سی بیلن خبر بیردی.

گزیته اتومکوتیف سکتوریده 1 میلیون حدودینی اوتیب ریکورد اورنه تیلگن توگ بیلن نوامبر آیی ساتیشلریده هم تسلانی اوتگن لیگینی بیلدیرماقده. تورکیه نینگ وطنی و ملی اتوموبیلی توگ نوامبر آییده 4 مینگ 401 ته واسطه نی ایگه سیگه تسلیم بیررکن امریکا مالی تسلا ایسه 900 ته واسطه تسلیم بیریب ساتیشلرده توگ نینگ آرتیده قالیب کیتدی دیب یازماقده.