تورکیه نینگ مطبوعات خلاصه لری

خبر تورک گزیته سی: " پولیتیکو، جمهور باشلیغی ایردوغان نی "2024 اروپانینگ اینگ کوچلی کیشیلری" آره سیده کورستدی " سرلوحه سی بیلن خبر بیردی.

گزیته مرکزی امریکا قوشمه ایالتلری بولمیش نشرات ارگانی پولیتیکو اروپادن 28 سیمانی 3 ایریم کتگوریده "2024 اروپانینگ اینگ کوچلی سیمالری" رویخطی گه آلدی. پولیتیکو "واسطه چی" ایتیب اته گن جمهور باشلیغی رجب طیب ایردوغان نی هم رویخط گه آلگن لیگینی یازماقده.   

یینی شفق گزیته سی: " عدالت وزیری ییلمز تونچ تروریزم گه قرشی کوره ش بوییچه پیام بیردی" سرلوحه سی بیلن خبر بیردی.

گزیته عدالت وزیری ییلمز تونچ نینگ "تورکیه بوگونگچه بولگندیک بوندن کیین هم عدلی همکارلیگی توغریسیده خلق ارا حقوقدن کیلیب چیققن مسؤلیتلریگه باش ایگیش گه قرارلی دیر. مخاطبلریمیزدن هم تروریزم گه قرشی شونقه صمیمیت و قرارلیلیک کوته میز" دیگن لیگینی یازماقده.       

حریت گزیته سی:" بولات: تورکیه اینگ تیز اوسگن اقتصاد بولدی " سرلوحه سی بیلن خبر بیردی.

گزیته تجارت وزیری عمر بولات 2023 ییلی نینگ اوچونچی چاره گیده 5،9 درجه ده غیر صافی یورت ایچی عاید کوپه یشی بیلن تورکیه اقتصادی نینگ یوکسک اوسیش نی 13 چاره کدن بیری دوام ایتگن لیگینی معلوم قیلیب "تورکیه اوچونچی چاره کده اعلان قیلینگن جی -20 و OECD اولکه لری ایچیده اینگ اوسگن اقتصاد" بولدی دیگن لیگینی یازماقده.   

ستار گزیته سی: " توگده معیوبلرگه خاص اسباب تقیلدی " سرلوحه سی بیلن خبر بیردی.

گزیته معیوبلر، تورکیه نینگ وطنی اتوموبیلی توگ اوچون ایشلب چیقریلگن و دیجتال بیلشووی تامین ایتیلگن شخصلرگه خاص اسبابلرگه یوللرده "توسیقسیز" هیده ش تجربه سی قوشماقده دیب یازماقده.

صباح گزیته سی:" دنیانینگ اینگ یخشی 50 یاش استعدادلیلری اعلان قیلیندی! رویخطده ارده گولر هم بار " سرلوحه سی بیلن خبر بیردی.

گزیته نکست جنریشن سایتی نینگ 2023 ییلی دنیانینگ اینگ یخشی 50 یاش استعدادلیلرینی اعلان قیلگن لیگینی یازماقده. اوتمیش ییللرگه قره گنده بیر نوبت بولمه گن رویخطده ریئال مادریدگه ترانسفر بولگن ملی فوتبالچیمیز ارده گولرنینگ هم بار لیگینی یازماقده.