تورکیه مطبوعاتیدن خلاصه لر 29.11.2023

ستار روزنامه سی, تورکیه جمهوریتی جمهوررئیسی رجب طیب اردوغان نینگ, توناون تلفن آرقه لی, بیرلشگن ملتلر تشکیلاتی عمومی منشی سی آنتونیو گوترش بیلن سوزلشگن لیگی نی بیلدیرماقده. 

خبرده, جمهوررئیسلیک تامانیدن بیریلگن بیاناتگه کوره, اوشبو صحبتده, اسرائیل نینگ حقوققه ضد هجوملری گه قرشی خلق ارا جامعه دن نیمه لرنینگ کوتیلیاتگن لیگی, بشری بحران گه ییچیم پیشنهاد لری و قالووچی تینچلیک نینگ اورنه تیلیشی بوییچه سعی و حرکت لر حقیده سوز یوریتیلگن لیگی معلوم قیلینماقده. 

حریت روزنامه سی, تورکیه جمهوریتی تشقی ایشلر وزیری خاقان فیدان نینگ, امریکا قوشمه ایالتلری تشقی ایشلر وزیری آنتونی بلینکن بیلن اوچره شگن لیگینی یازماقده. 

خبرده, اوشبو اوچره شووده, بلینکن نینگ, "مهم, جوده ارزشلی بیر ناتو متفقی بولگن تورکیه بیلن همکارلیک اوچون منتدارمن" دییه قید ایتگن لیگی ایسله تیلماقده. 

صباح روزنامه سی, تورکیه تامانیدن غزه ده قوریلیشی ریجه لنگن صحرا کسلخانه سی بوییچه تیارگرلیک فعالیت لری یوریته دیگن هیئت نینگ, منطقه گه ییتیب بارگن لیگی گه دقت قره تماقده. 

خبرده, دیپلماتیک منبع لردن آلینگن معلوماتگه کوره, هیئت نینگ راپوری گه باغلیق اوله راق کسلخانه نینگ زودلیک بیلن قوریلیب فعالیت گه باشله تیلیشی نینگ ریجه لنگن لیگی معلوم قیلینماقده. 

وطن روزنامه سی, جاری ییلده اوچینچی مراتبه بولیب اوتگن هواچیلیک بوییچه موفقیت ساورین لری مراسمی " Bluesky Awards 2023 " ده اوشبو ساورین لرنینگ ایگه لری نینگ انیقلنگن لیگینی یازماقده.

خبرده, تورکیه نینگ اینگ کتته ایکّینچی هوا قونلغه سیدن عبارت استانبول صبیحه گوکچن هوا قونلغه سی نینگ Bluesky Awards تامانیدن جاری ییل 2- "هواچیلیک موفقیت ساورین لری" کتگوریسیده "ییل نینگ دیجیتال هوا قونلغه سی" سیله نرایکن, "هواچیلیک پروژه ساورین لری" کتگوریسیده 6 پروژه بیلن ژوری کمیسیونی تامانیدن ساورین گه سزاوار دیب تاپیلگن لیگی ایسله تیلماقده. 

ینی شفق روزنامه سی, تورکیه و بریتانیا نینگ, ایرکین تجارت کیلیشوویی نی کینگه یتیریب ینگی له نیشی اوچون مذاکره بوییچه تیارگرلیک اوتکزیاتگن لیگینی بیلدیرماقده. 

خبرده, اوشبو کیلیشوو نینگ, انگلستان نینگ اروپا اتفاقی دن چیقیشی آرتیدن فرقلی اولکه لر بیلن امضاله گن ایلک ایرکین تجارت کیلیشووی بولیشی جهتی دن مهم ایکن لیگی گه دقت قره تیلماقده.